2019-10-03 17:38:53, 4773 ნახვა
მსოფლიო
იტალიაში არასრულწლოვნებისთვის ფულის გამოძალვის ბრალდებით საქართველოს მოქალაქე დააკავეს
იტალიაში 44 წლის საქართველოს მოქალაქე დააკავეს, - ამის შესახებ ilgazzettino იუწყება.
მედია საშუალების ინფორმაციით, მამაკაცს ბრალად მოზარდების მიმართ მუქარა და პოლიციისადმი დაუმორჩილებლობა ედება. ინციდენტი ქალაქ უდინეში მოხდა.
მედიის ცნობით, დადგინდა, რომ პარკში მყოფი ორი მამამაკაცი, არასრულწლოვნებს შეურაცხყოფას აყენებდა, ემუქრებოდა და ფულს სძალავდა. ადგილზე მისულმა პოლიციამ ერთ-ერთი ეჭვმიტანილი დაკავა. მან სამართალდამცველებს წინააღმდეგობა გაუწია, ხოლო მეორე ეჭვმიტანილს პოლიცია ამ დრომდე ეძებს. ის ადგილიდან კარაბინიერების მისვლამდე მიიმალა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
