2019-09-30 16:40:48, 1963 ნახვა
კომენტარი
დავითაშვილი - სეს-ში, გარემოსდაცვით დეპარტამენტსა, დაცული ტერიტორიების სააგენტოში სახელფასო პოლიტიკა გაუმჯობესდება
2020 წელს გარემოს დაცვისა და სოფლის მეურნეობის სამინისტროს სისტემაში შემავალი უწყებების: სურსათის ეროვნული სააგენტოს, გარემოსდაცვითი ზედამხედველობის დეპარტამენტის, დაცული ტერიტორიების სააგენტოს თანამშრომლების სახელფასო პოლიტიკა გაუმჯობესდება.
ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა მთავრობის სხდომაზე განაცხადა.
„ხელფასები გაეზრდებათ რეინჯერებს - ადამიანებს, რომლებსაც საველე პირობებში საკმაოდ სახიფათო სამუშაოების შესრულება უწევთ. ეს არის ჩვენი ევროკავშირთან ინტეგრაციის პოლიტიკით განსაზღვრული დღის წესრიგის ნაწილი. ამ მიმართულებით შენარჩუნებული იქნება სამსახურების შესაძლებლობების განვითარება“, - განაცხადა ლევან დავითაშვილმა.
(NS)
ავტორი: ექსპრესნიუსი,
epn.ge (@expressnews.ge)
