საბურთალოს რაიონში, ნიკო ბურის ქუჩის სრული რეაბილიტაცია მიმდინარეობს. აღნიშნულ ტერიტორიაზე ამ დრომდე გრუნტის გზა არსებობდა, რის გამოც მოსახლეობას გადაადგილების თვალსაზრისით, პრობლემები ექმნებოდა. 

პროექტის ფარგლებში, ნიკო ბურის ქუჩაზე ბორდიური და 500 გრძივ მეტრზე სანიაღვრე ქსელი უკვე მოეწყო. ამ ეტაპზე კი, 3 767 კვ.მ ფართობზე ასფალტის ორფენიანი საფარი იგება. 

ინფრასტრუქტურული სამუშაოების მიმდინარეობას საბურთალოს რაიონის გამგებელი გაიოზ ვასაძე  გაეცნო.

გამგებლის თქმით, კერძო დასახლებებში საკმაოდ ბევრი ქუჩაა, სადაც მოსახლეობას გადაადგილება გრუნტის გზით უწევს.

„მიმდინარე წელს ამ მიმართულებით ვიმუშავეთ და რამდენიმე ქუჩის მოსახლეობას აღნიშნული პრობლემა მოვუგვარეთ. ნიკო ბურის ქუჩაზე ასფალტის საფარი ამ დრომდე არ არსებობდა. სამუშაოების დასრულების შემდეგ კი ადგილობრივები კეთილმოწყობილი გზით სარგებლობას შეძლებენ“, - განაცხადა გაიოზ ვასაძემ.

პროექტის განსახორციელებლად გამგეობის ბიუჯეტიდან 676 720 ლარი გამოიყო. საგზაო სამუშაოებს კომპანია „იბერი“ აწარმოებს.

(NS)

ავტორი: ექსპრესნიუსი,

სოციალური ქსელები

ბრიტანეთის ახალი პრემიერ-მინისტრი ზელენსკის შეხვდა და მას „100%-იანი“ მხარდაჭერა გამოუცხადა

როგორც მოსკოვში - თეთრი ფურცლის დაჭერისთვის პოლიციამ აქტივისტი ნოდარი წიწარიშვილი დააკავა

საქართველოს ეროვნული ბანკი: ბანკები „თელასის“ ლარში მომსახურებას გააგრძელებენ

BOG-ის გზავნილების გათამაშება დაიწყო - მოიგე 1 000₾ ყოველდღე ან 10 000₾ სუპერპრიზი