„ოსკარის“ 92-ე ცერემონიაზე ერთ-ერთი ნომინანტი, ქართულ-შვედური ფილმი „და შემდეგ ვიცეკვეთ“ [And Then We Danced] იქნება, - ამის შესახებ svt იუწყება. 

მედია საშუალების ინფორმაციით, ფილმი, რომელიც გეი სიყვარულზე მოგვითხრობს, შვედეთის სახელით "ოსკარზე" უცხოენოვანი ფილმის კატეგორიაში იბრძოლებს.

მედიის ცნობით, ფილმის რეჟისორი ქართული წარმომავლობის ლევან აკინია. მის მიერ შექმნილმა პირველმა გეი ფილმმა კანის კინოფესტივალზე დიდი მოწონება დაიმსახურა. 10 საუკეთესო ფილმს შორის And Then We Danced მეშვიდე ადგილზე გავიდა. აგრეთვე, And Then We Danced ოდესის კინოფესტივალალზე საუკეთესო ფილმად დასახელდა და გრამპრი მოიპოვა.

ფილმის მთავარი პერსონაჟი მერაბია, რომელიც ბავშვობიდან ქართულ ანსამბლში ცეკვავს. მისი ცხოვრება მაშინ იცვლება, როდესაც მას პარტნიორი მოცეკვავე ირაკლი შეუყვარდება. 

შვედური გამოცემა წერს, რომ რეჟისორს ჰკითხეს, რატომ არ გაიტანა მან ფილმი საქართველოს სახელით, რაზეც აკინმა ასე უპასუხა : "საქართველოში ფილმმა დიდი სიმპატიები ვერ დაიმსახურა და ეს რთული იქნებოდა". 

მანამდე რეჟისორი აცხადებდა, რომ ფილმის გადაღება 2013 წლის 17 მაისის მოვლენების შემდეგ გადაწყვიტა. 

ცნობისთვის, „ოსკარის“ 92-ე ცერემონია 2020 წლის 9 თებერვალს აშშ-ში გაიმართება.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

კიევისა და სრულიად უკრაინის მიტროპოლიტი ეპიფანე - ღმერთმა დალოცოს ახალი ეტაპი საქართველოს მართლმადიდებელი ეკლესიის ცხოვრებაში

ევროკავშირი პატრიარქ კირილისა და რუსეთის მართლმადიდებლური ეკლესიის წინააღმდეგ სანქციებს ამზადებს

პეტერ ფიშერი შიო III-ს სრულიად საქართველოს კათოლიკოს-პატრიარქად არჩევას ულოცავს

შეიძინე კრიპტო თიბისის მობაილბანკში და მიიღე შანსი, დასაჩუქრდე YE, Kanye West-ის კონცერტის ბილეთებით