მასწავლებლების პროფესიული განვითარების ცენტრის პროექტის „პრაქტიკული ტრენინგები მევენახე-მეღვინე პროფესიული პროგრამის მასწავლებლებისთვის“ ფარგლებში, სოფლის მეურნეობის სამეცნიერო-კვლევითი ცენტრის თანამშრომლებმა პროფესიული სასწავლებლების პედაგოგებს ტრენინგები ჩაუტარეს.

ტრენინგის ფარგლებში,   მევენახეობისა და მეღვინეობის  კვლევის სამსახურის და მცენარეთა ინტეგრირებული დაცვის კვლევის დეპარტამენტის სპეციალისტებმა მონაწილეებს ღვინის ზადებსა და დაავადებებზე, ვაზის ჯანსაღი, უვირუსო სარგავი მასალის წარმოებაზე თეორიული და პრაქტიკული ლექციები ჩაუტარეს. სწავლების პროცესში განსაკუთრებული ყურადღება გამახვილდა სასწავლებლებში ახალგაზრდა სპეციალისტების მოზიდვაზე, სწავლებასა და მევენახეობა-მეღვინეობის კუთხით პროფესიონალი კადრების მომზადებაზე.

პროფესიული სასწავლებლების წარმომადგენლებმა დაათვალიერეს ჯიღაურას ბაზაზე გაშენებული ვენახები, სადაც დაცულია ვაზის 350 უცხოური და 437 ქართული ჯიში, მათ შორის,   ქართული უნიკალური და იშვიათი ვაზის ჯიშების კოლექცია, რომლის მოძიება და აღდგენა ხანგრძლივი დროის განმავლობაში მიმდინარეობდა.

პროექტის „პრაქტიკული ტრენინგები მევენახე-მეღვინე პროფესიული პროგრმის მასწავლებლებისთვის“ ფარგლებში, ტრენინგის მონაწილეებმა კახეთის რეგიონში ვაზის სანერგეები და ღვინის ქარხნები დაათვალიერეს და მუშაობის პროცესს ადგილზე გაეცნენ.

(NS)

ავტორი: ექსპრესნიუსი,

სოციალური ქსელები

წილოსანი ტიტუშკების დაორგანიზებაზე - მოძრაობას საჯაროდ აქვს დაანონსებული, რომ მყისიერი რეაგირება ექნებათ, ამიტომ ყველამ გააკონტროლოს თავი

იურისტი - იდეოლოგიური ნიშნით ადამიანების დევნის მიზნის მქონე ორგანიზაციის შექმნა ხელისუფლებასთან დაახლოებული პირთა ჯგუფის მიერ არის არამხოლოდ მძიმე სამართლებრივი, არამედ, პოლიტიკური განაცხადიც

ევროკავშირმა შესაძლოა რუსეთის წინააღმდეგ მასშტაბური სანქციების დაწესებაზე უარი თქვას

სოფელ პერევის მიმდებარედ რუსი ოკუპანტების მიერ გატაცებული მოქალაქე თავისუფალია – სუს