„ქართული ოცნების“ ხელისუფლებამ სრულიად მოარღვია ჩვენი საგარეო ფრონტი და, მათივე არჩევანით, რუსული უკონტროლო აგრესიის წინააღმდეგ შიშველი ხელებით აღმოვჩნდით - ასე აფასებს ყოფილი პრეზიდენტის პოლიტიკური მრჩეველი ფიქრია ჩიხრაძე ხელისუფლების ქმედებებს გორის რაიონის სოფელ გუგუტიანთკარში მიმდინარე უკანონო ბორდერიზაციის მიმართ.

ჩიხრაძე აღნიშნავს, რომ ახლა პრემიერ-მინისტრის განცხადებებს არანაირი ფასი არ აქვს და ამ პროცესის საწინააღმდეგო რეალური ნაბიჯები წლების განმავლობაში უნდა გადადგმულიყო.

„დიდი მნიშვნელობა არცა აქვს დღეს მამუკა ბახტაძე რას განაცხადებს. ბევრი რამ ადრე უნდა გაკეთებულიყო და განეცხადებინათ, მაგრამ ეს არ გაკეთებულა. ყველამ ვიცით, რომ ძალიან მალე, მამუკა ბახტაძე აღარ იქნება პრემიერ-მინისტრის პოსტზე და დღეს ამ განცხადებებს, მითუმეტეს არა აქვს არანაირი მნიშვნელობა. „ქართული ოცნების“ ხელისუფლებამ სრულიად მოარღვია ჩვენი საგარეო ფრონტი. სამწუხაროდ, მათივე არჩევანით ჩვენ აღმოვჩნდით, პრაქტიკულად, რუსული უკონტროლო აგრესიის წინააღმდეგ პირისპირ, შიშველი ხელებით და მაინცდამაინც ბევრი მექანიზმი არა გვაქვს რეაგირებისათვის. ის რომ საზღვრისპირა რეგიონში ჩვენს მოსახლეობას განსაკუთრებული პირობები უნდა შექმნოდათ, რომ ბორდერიზაციის შემთხვევაში ეს ოჯახები დაქცეული კი არ იყოს, არამედ მათ ჰქონდეთ მყარი საფუძველი იმისა, რომ ეს ტერიტორიაც შეინარჩუნონ, გამყოფი ზოლიც ემსახურებოდეს იმ ამბავს, რომ ზოლს იქით მყოფ მოსახლეობას ჰქონდეს განცდა, რომ ბევრად უკეთესად ცხოვრობს ზოლს აქეთ მყოფი მოსახლეობა. ჩვენ ეს პირობები ამდენი წლის განმავლობაში უნდა შეგვექმნა“, - განაცხადა ფიქრია ჩიხრაძემ TV პირველთან საუბრისას.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია