ტელეკომპანია „რუსთავი 2“-ის ყოფილი მფლობელები, ძმები ყარანაშვილები საჯარო რეესტრს უჩივიან.

ყარამანიშვილები უწყების გადაწყვეტილებას უკანონოდ მიიჩნევენ, რომლის მიხედვითაც ტელეკომპანიის ამჟამინდელი მფლობელისთვის, ქიბარ ხალვაშისთვის წილების გადაფორმება ძალიან სწრაფად მოხდა.

ამასთან, ძმები ყარამანიშვილები და ტელეკომპანია „საქართველოს“ მფლობელები ეხმაურებიან  ხალვაშის მიერ გამოცხადებულ საჯარო აუქციონს ტელეკომპანიის გაყიდვის შესახებ და მოუწოდებენ პოტენციურ მყიდველებს, ნუ შეიძენენ კომპანიას, რადგან შესაძლოა, დადგინდეს, რომ ქიბარ ხალვაში „რუსთავი 2“-ის კანონიერი მესაკუთრე არ არის.

„ითხოვენ იმ გადაწყვეტილების ბათილად ცნობას, რომლითაც „რუსთავი2“-ის წილები დარეგისტრირდა ქიბარ ხალვაშის საკუთრებად. ამასთან მიუხედავად იმისა, რომ ძალიან სასაცილოდ გამოიყურება ქიბარ ხალვაშის მიერ ორგანიზებული ე.წ. საჯარო აუქციონი „რუსთავი2“-თან დაკავშირებით, ყოფილი დამფუძნებლები „რუსთავი2“-ის მოუწოდებენ ნებისმიერ პირს, არ შეიძინონ „რუსთავი2“-ის ქონება, წილები, იმიტომ, რომ ისინი აგრძელებენ დავას სასამართლოში და აუცილებლად დადგინდება მომავალში ის გარემოება, რომ რეალურად ქიბარ ხალვაში არ არის „რუსთავი2“-ის კანონიერი მესაკუთრე“, - განაცხადა მათმა უფლებადამცველმა დიმიტრი საძაგლიშვილმა.

ინფორმაციას „რუსთავი 2“ ავრცელებს.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ

ტოკაევმა კობახიძე ყაზახეთის რესპუბლიკის პირველი ხარისხის „მეგობრობის" საპატიო ორდენით დააჯილდოვა

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა