აქცია „სირცხვილიას“ მონაწილეებსა და ანტისაოკუპაციო მოძრაობის წევრებს სოფელ გუგუტიანთკარში, სადაც უკანონო ბორდერიზაციის პროცესი მიმდინარეობს,  შსს-ს წარმომადგენლები არ უშვებენ.

მერეთის ბლოკპოსტთან პოლიციამ ცოცხალი ჯაჭვი გააკეთა და პროტესტანტებს გუგუტიანთკარისკენ გადაადგილება აუკრძალა.

მანამდე აქციის მონაწილეებმა გუგუტიანთკარისკენ გადაადგილება სხვა სოფლიდან სცადეს, თუმცა პოლიციამ მათ მერეთის ბლოგპოსტთან მისვლისა და რეგისტრაციის გავლის მითითება მისცა.

ამასთან, აქციის წევრებმა საპატრულო პოლიცია თავად გამოიძახეს.

მერეთის ბლოგპოსტთან მისულებს პოლიციამ განუცხადა, რომ მათ გუგუტიანთკარისკენ გადაადგილების უფლება შსს-ს პრესსამსახურისგან უნდა მიიღონ.

შსს-ს პრესსამსახურიდან აქციის მონაწილეებმა შესვლის უფლების დაპირება მიიღეს, რაც ამ დრომდე არ შესრულებულა.

აქცია „სირცხვილიას“ მონაწილეები და ანტისაოკუპაციო მოძრაობის წევრები აცხადებენ, რომ დაშლას არ აპირებენ და გუგუტიანთკარში მოსახვედრად ყველაფერს გააკეთებენ.

ავტორი: ექსპრესნიუსი,

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს