ხორავას ქუჩაზე მომხდარი მოზარდების მკვლელობის საქმეზე 150-მდე მოწმის დაკითხვა იგეგმება, - ამის შესახებ  საქმის პროკურორმა, ბესიკ ქვარცხავამ განაცხადა.

ბესიკ ქვარცხავას თქმით, საქმეში ყველა სახის მტკიცებულება არსებობს, მათ შორის, ნივთიერი და წერილობითი და აგრეთვე არიან პირდაპირი მოწმეებიც, რომლებიც უშუალოდ შემთხვევის შემსწრეები არიან.

„მოცემულ სისხლის სამართლის საქმეზე წარმოდგენილი არის ბრალდების მხარის მიერ დაახლოებით 150 მოწმე, მათ შორის არიან მოწმეები, რომლებიც გარკვეულწილად პირდაპირ ადასტურებენ ფაქტობრივ გარემოებებს, რომელიც პირდაპირ კავშირში არის ბრალდებული მ.კ.-ს მიმართ წარდგენილი ბრალდების შინაარსთან, მათ შორის ის არასრულწლოვნები, რომლებიც იმყოფებოდნენ შემთხვევის ადგილზე.  რაც შეეხება მტკიცებულებებს, ბრალდების მხარის მიერ წარმოდგენილი არის დაახლოებით 150 მოწმის ჩვენება, ასევე, წარმოდგენილი იქნება არაერთი ვიდეოჩანაწერი, წარმოდგენილი იქნება ათეულობით წერილობითი მტკიცებულება, ასევე, წარმოდგენილი იქნება ათეულობით ნივთიერი მტკიცებულება", - განაცხადა პროკურორმა.

შეგახსენებთ, რომ მიხეილ კალანდია ხორავას ქუჩაზე დავით სარალიძის დამამძიმებელ გარემოებებში ჩადენილი მკვლელობის ბრალდებით სამართალდამცავებმა 4 ივნისს დააკავეს. მას აღკვეთის ღონისძიების სახით პატიმრობა 6 ივნისს შეეფარდა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს