„პროკურატურას ვეუბნები, თქვენ გაქვთ ორი არჩევანი ხვალ, როდესაც შეხვალთ სასამართლოში - ან ჩემი თავისუფლება, ან ჩემი პატიმრობა“, - ამ სიტყვებით მიმართა „რუსთავი 2“-ის ყოფილმა გენერალურმა  დირექტორმა ნიკა გვარამიამ მთავარ პროკურატურას.  

როგორც მან აღნიშნა, ის უარს ეტყვის ნებისმიერ სხვა აღკვეთის ღონისძიებაზე, მათ შორის გირაოსა და შინაპატიმრობაზე.

„მე არ მოგცემთ შესაძლებლობას არც ერთი მესამე ვარიანტის. არავითარი კომპრომისი კორუფციის შემთხვევაში არ იქნება დაშვებული. მე არ გადავიხდი არანაირ გირაოს. მაღალს უბრალოდ - ვერ, დაბალს - არ. მე ვარ უდანაშაულო და არ გავაკეთებ კომპრომისს არავითარ შემთხვევაში. არანაირი შინაპატიმრობა, არაფერი სხვა, პირდაპირ გიცხადებთ, ყველა თქვენს მოგონილ აღკვეთის ღონისძიებაზე გეუბნებით წინასწარ, დავარღვევ ყველაფერს. არ დავემორჩილები. ამას ვეტყვი სასამართლოსაც, გამორიცხულია, ვერც ეჟვანს ვერ შემაბავთ, ვერც სახლში ვერ დამაბავთ, არც გირაოს გადავიხდი. ან პატიმრობა, ან თავისუფლება - მესამე არჩევანს არ გაძლევთ!“, - განაცხადა ნიკა გვარამიამ.

შეგახსენებთ, ნიკა გვარამიას პროკურატურა სსკ-ის 220-ე მუხლით გათვალისწინებულ დანაშაულს ედავება (საწარმოში ხელმძღვანელობითი და წარმომადგენლობითი უფლებამოსილების გამოყენება ამ ორგანიზაციის კანონიერი ინტერესის საწინააღმდეგოდ, სხვისთვის გამორჩენის მიღების მიზნით, რამაც მნიშვნელოვანი ზიანი გამოიწვია).

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია