„ჯერ ადამიანებს ბრალი წაუყენეს და შემდგომ დამიბარეს მე გამოკითხვაზე. ეს სრული იდიოტიზმია“, - ამის შესახებ „TV პირველის“ დამფუძნებელმა ვახტანგ წერეთელმა თბილისის საქალაქო სასამართლოში განაცხადა, სადაც „თიბისის“ საქმესთან დაკავშირებით გამოძიების კითხვებს უნდა უპასუხოს.

როგორც წერეთელმა აღნიშნა, გამოძიების დაწყებისთანავე ითხოვდა, რომ გამოეკითხათ, თუმცა ამ დრომდე მისთვის პროკურატურას არ მიუმართავს.

„პირველი დღიდან ვითხოვდი ჩემს გამოკითხვას, როგორც კომპანიის დამფუძნებლის. სამწუხაროდ, ჯერ ადამიანებს ბრალი წაუყენეს და შემდგომ დამიბარეს მე გამოკითხვაზე. ჩემი აზრით, ეს სრული იდიოტიზმია და ამიტომ, ახლა შევალ და ვეცდები ყველა კითხვას გავცე პასუხი. ჩემი აზრით, წარმოუდგენელია ახლა რაც ხდება ამ საქმესთან მიმართებაში და თუ უნდათ, რომ ხალხმა დასცინონ ამ ქეისს, ჩემი აზრით ამას მიაღწევენ“, -  განაცხადა ვატო წერეთელმა.

შეგახსენებთ, პროკურატურა „თიბისი ბანკის“ დამფუძნებლებს - მამუკა ხაზარაძესა და ბადრი ჯაფარიძეს ჯგუფურად, 16 754 000 ამერიკული დოლარის უკანონო შემოსავლის ლეგალიზაციას ედავება, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა“ და მე-3 ნაწილის „გ“ ქვეპუნქტით). სწორედ აღნიშნულ საქმეზე გამოკითხავენ დღეს ვახტანგ წერეთელს.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს