2015-07-08 15:45:04, 1401 ნახვა
მსოფლიო
ჩინეთის საფონდო ბირჟა მძიმე დანაკარგებს განიცდის
ჩინეთის საფონდო ბირჟა მესამე კვირაა კრიზისულ სიტუაციაშია.
ზოგიერთი ექსპერტის თქმით, ამ მოვლენამ შესაძლოა, მსოფლიო ეკონომიკაზე საბერძნეთის კრიზისზე დიდი გავლენა იქონიოს.
ჩინეთის მთავრობამ უკვე მიიღო გარკვეული ზომები, ბირჟაზე ფასების დასასტაბილურებლად, მაგრამ მიუხედავად ამისა, კრიზისი ძლიერდება.
„ბირჟაზე განვითარებული მოვლენები მნიშვნელოვან საფრთხეს უქმნის ჩინურ ეკონომიკასა და ფინანსურ სისტემას, ამიტომაცაა პეკინი შეშფოთებული“, - განაცხადა აზიის წამყვანმა ეკონომისტმა, დონგ ტაომ.
ინვესტორები ხელისუფლებისგან უფრო ქმედითი ნაბიჯების გადადგმას მოითხოვენ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
