თბილისის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები და ყაჩაღობასა (2 ეპიზოდი) და  ქურდობაში ბრალდებული გ.ა. დამნაშავედ ცნო.

პროკურატურის ცნობით, გამოკვლეული მტკიცებულებებით დადგინდა, რომ 2019 წლის 28 დეკემბერს , გ.ა.  ქ.თბილისში, მირიან მეფის ქუჩაზე მდებარე მაღაზია „სპარში" და მაღაზია „ორი ნაბიჯი"-ში მართლსაწინააღმდეგო მისაკუთრების მიზნით, დანით  სიცოცხლისა და ჯანმრთელობისათვის საშიში ძალადობის მუქარით თავს დაესხა ი.ბ.-ს და ო.წ.-ს, ხოლო  მირიან მეფის ქუჩაზე  მდებარე მაღაზია „ნიკორადან" მართლსაწინააღმდეგო მისაკუთრების მიზნით ფარულად დაეუფლა მაღაზიის კუთვნილ ალკოჰოლურ სასმელებს, რამაც  მნიშვნელოვანი ქონებრივი ზიანი გამოიწვია.

„სამართალდამცველებმა გ.ა. 2018 წლის 28 დეკემბერს დააკავეს. მას ბრალდება  წარედგინა საქართველოს სისხლის სამართლის კოდექსის 179-ე მუხლის პირველი ნაწილით  (ყაჩაღობა) და 177-ე მუხლის მეორე ნაწილის „ა" ქვეპუნქტით (ქურდობა, რამაც მნიშვნელოვანი ზიანი გამოიწვია)  და აღკვეთის ღონისძიების სახით პატიმრობა შეეფარდა. თბილისის საქალაქო სასამართლომ გ.ა. სრულად ცნო დამნაშავედ წარდგენილ ბრალდებებში და სასჯელის სახედ და ზომად 5  წლით თავისუფლების აღკვეთა განუსაზღვრა“, - ნათქვამია პროკურატურის განცხადებაში.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს