„ჩვენ ამ გადაწყვეტილებით დავბრუნდით საბჭოთა კავშირში, ტოტალიტარულ რეჟიმში“, - ასე შეაფასა „სამართალდამცავთა რეფორმირების ცენტრის“ ხელმძღვანელის, ზვიად კუპრავას ადვოკატმა ლევან დავითაიამ მისი დაცვის ქვეშ მყოფისთვის პატიმრობის შეფარდების გადაწყვეტილება.

დავითაიას განცხადებით, გადაწყვეტილებას ზემდგომ ინსტანციაში გაასაჩივრებს.

„ამით, ფაქტობრივად ნებისმიერი მოსაზრება, რომელიც სამზარეულოში არის ნათქვამი, თქვენს ოჯახებში და თქვენს სახლებში, იგივენაირად შეიძლება დასჯად ქმედებად მოინათლოს. ჩვენ ამ გადაწყვეტილებით დავბრუნდით საბჭოთა კავშირში, ტოტალიტარულ რეჟიმში, ამითაა სრულიად ახსნილი ეს გადაწყვეტილება, რომელიც დღესაა მიღებული. ეს ნორმა თავისი ნორმატიული შინაარსიდან გამომდინარე, გასაჩივრებულია საკონსტიტუციო სასამართლოში. ასევე, ამ გადაწყვეტილებას აუცილებლად გავასაჩივრებთ სააპელაციო სასამართლოსა და ევროპულ სასამართლოში“, - განაცხადა ლევან დავითაიამ.

ცნობისთვის, ზვიად კუპრავას, რომელსაც ბრალი სასამართლოს უპატივცემულობაში ედება, 9 თვიანი  პატიმრობა შეეფარდა.

ავტორი: ექსპრესნიუსი,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს