2019-07-24 17:50:20, 1216 ნახვა
კომენტარი
თურნავა TBC ბანკის საქმეზე: ჩვენი ხელისუფლება არ იყენებს პროკურატურას ბიზნესზე ზეწოლისთვის
ეკონომიკისა და მდგრადი განვიტარების მინისტრის ნათია თურნავას მტკიცებით, ხელისუფლება ბიზნესზე ზეწოლისთვის პროკურატურას არ იყენებს.
როგორც თურნავამ განაცხადა, კანონის წინაშე ყველა თანასწორია და მამუკა ხაზარაძის და ბადრი ჯაფარიძის მიმართ სამართლებრივი დევნა პოლიტიკურ კონტექსტს არ უკავშირდება.
"ყველანი ვართ თანაბარი კანონის წინაშე, იქნება ეს საჯარო მოხელე, მთავრობის წევრი, ბიზნესის წარმომადგენელი, აბსოლუტურად რიგითი მოქალაქე. ჩვენი ხელისუფლება არ იყენებს პროკურატურას, არ იყენებს სასამართლოს ბიზნესზე ზეწოლისთვის. ეს ჩვენი ხელწერა არ გახლავთ. გამოძიება დაწყებულია არის ბევრად უფრო ადრე, ვიდრე ბატონმა მამუკამ გააკეთა განაცხადი თავის პოლიტიკაში მოსვლის გეგმებთან დაკავშირებით“, - განაცხადა ნათია თურნავამ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
