2019-07-22 14:21:30, 2188 ნახვა
სამართალი
ქიბარ ხალვაშმა ოქრუაშვილის წინააღმდეგ პროკურატურაში სარჩელი შეიტანა
ტელეკომპანია "რუსთავი 2"-ის ახალმა მფლობელმა ქიბარ ხალვაშმა თავდაცვის ყოფილი მინისტრის ირაკლი ოქრუაშვილის წინააღმდეგ პროკურატურაში სარჩელი შეიტანა.
სარჩელი ბიზნესმენის ადვოკატმა ნინო ბარაჩაშვილმა შეიტანა. ადვოკატის განმარტებით, სარჩელის შეტანის მიზეზი, ოქრუაშვილის მიერ ყალბი დოკუმენტებით, ქონების მიტაცების მცდელობაა.
ცნობისთვის, მანამდე სარჩელი თბილისის საქალაქო სასამართლოში ოქრუაშვილმა შეიტანა. ის ქიბარ ხალვაშის წილებზე ყადაღის დადებას ითხოვდა. დღეს გახდა ცნობილი, რომ სასამართლომ ოქრუაშვილს ხალვაშის წილების დაყადაღებაზე უარი უთხრა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
