თბილისის საქალაქო სასამართლომ 20-21 ივნისის საქმეზე უფლებამოსილების გადამეტების ფაქტზე დაკავებული სპეცრაზმელი 10 000-ლარიანი გირაოს სანაცვლოდ გაათავისუფლა.

გადაწყვეტილება ცოტა ხნის წინ გახდა ცნობილი. გირაოს გამოყენების შუამდგომლობით საქმის მოსამართლეს დაცვის მხაარემ მიმართა. გარდა ამისა, თავად სპეცრაზმელმა ბრალი ნაილობრივ აღიარა. 

ბრალდების მხარე სპეცრაზმელისთვის პატიმრობას ითხოვდა. როგორც პოკუორი განმარტავდა, ბრალდებულის მხრიდან მოწმეებზე ზემოქმედების საფრთხე არსებობს.

„საქმე გვაქვს იარაღის გამოყენებით სამსახურებრივი უფლებამოსილების გადამეტების ფაქტთან. მის მიერ დანაშაულის ჩადენა გამოიხატა იმაში, რომ საპოლიციო ღონისძიების მიმდინარეობისას ახლო მანძილიდან დამიზნებით რეზინის ტყვია ფეხში ესროლა ორ ქალბატონს. ეს მოხდა ისეთ ვითარებაში, როცა ამ სახის და ინტენსივობის სპეციალური საშუალების გამოყენების წინაპირობა და აუცილებლობა არ არსებობდა. შედეგად ორმა ქალბატონმა მიიღო ჯანმრთელობის მნიშვნელოვანი დაზიანება. ბრალდების მხარის პოზიციაა რომ ბრალდებულის სათანადო ქცევას უზრუნველყოფს მისთვის აღკვეთის ღონისძიების სახით პატიმრობის გამოყენება“, - განაცხადა პროკურორმა.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს