2019-07-17 11:51:35, 1418 ნახვა
სამართალი
ჯანეზაშვილი - მოსამართლეების შერჩევის პროცესი არალეგიტიმურია
„განსაკუთრებით ისეთი დარღვევები, რომელიც უკავშირდება სავარაუდოდ წინასწარ ხმების შეთანხმებას“, - ამის შესახებ იუსტიციის საბჭოს არამოსამართლე წევრმა, ნაზი ჯანეზაშვილმა საბჭოში სხდომის დაწყებამდე ჟურნალისტებს განუცხადა.
იუსტიციის უმაღლესი საბჭო დღეს, უზენაესი სასამართლოს მოსამართლეობის 5 კანდიდატს გაესაუბრება.
„ჩვენ მხარს ვუჭერთ რომ შეწყდეს ეს პროცესი, ვინაიდან ლეგიტიმურობა შერჩევის პროცესს ვერ ექნება, რადგან დარღვევები მრავლად არის გამოვლენილი. განსაკუთრებით ისეთი დარღვევები, რომელიც უკავშირდება სავარაუდოდ წინასწარ ხმების შეთანხმებას. დარწმუნებული ვარ, ისინი წინასწარ შეთანხმდებიან და დაუჭერენ იმ ადამიანს მხარს, რომლებიც მათთვის არის მისაღები“, - აღნიშნა ნაზი ჯანეზაშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
