„ის აბსურდული კვალიფიკაცია, რომელიც პროკურატურამ 20-21 ივნისის მოვლენებს მისცა, ფაქტობრივად, პოლიტიკური დევნის დაწყებას ნიშნავს“, - ამის შესახებ  ფრაქცია „ნაციონალური მოძრაობის“ თავმჯდომარე რომან გოცირიძემ განაცხადა.

როგორც დეპუტატმა აღნიშნა, ხელისუფლება სადამსჯელო ქმედებებს რუსეთის დავალებით ასრულებს.

„ის აბსურდული კვალიფიკაცია, რომელიც მისცა ამ საპროტესტო მოვლენებს პროკურატურამ, თითქოსდა ხდებოდა სახელმწიფო გადატრიალება, უკვე სცდება იმ კომიკური მსგავსი შემთხვევების ფარგლებს, რაც ერთხელ უკვე გვინახავს, რომ თითქოს საბურავების დაწვას თუ დალაგებას ვაპირებდით და თუ ეს იყო პოლიტიკურ წრეებში სასაცილო მოვლენა, უკვე არაადეკვატური ხელისუფლება ამ სასაცილოს აქცევს ძალიან სახიფათოდ. ეს განცხადება, ფაქტობრივად, ნიშნავს პოლიტიკური დევნის, რეპრესიების დაწყებას. რუსეთის მიერ გაკეთებული განცხადებები აბსოლუტურად იდენტურია ხელისუფლების მიერ ჩატარებული ქმედებებისა, კვალიფიკაცია იყო როგორც სახელმწიფო გადატრიალების მცდელობა და პირველად ეს სიტყვა იხმარა გავრილოვმა და შემდეგ მუქარა რუსეთის ხელისუფლების მაღალჩინოსნების მიერ ფაქტობრივად, შეასრულა საქართველოს ხელისუფლებამ და ეწევა სადამსჯელო ქმედებებს რუსეთის დავალებით“, - განაცხადა რომან გოცირიძემ. 

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა