„გახარია ვერ იტყოდა, რომ ესროლეთ პირდაპირ ფეხებში, ან არ ესროლოთ თავში, ის მთლიანი შსს-ს ხელმძღვანელია, რომელსაც უამრავი დანაყოფი აქვს თავისი ხელმძღვანელებით, პირდაპირ გახარია იმათ არ ელაპარაკება", - ამის შესახებ „ქართული ოცნების“ დეპუტატმა ნუკრი ქანთარიამ განაცხადა.

ქანთარია განმარტავს, რომ აქციის დაშლის ბრძანებას შს მინისტრის გარდა სხვა ვერ გასცემდა, თუმცა სამართალდამცავებს კონკრეტულ ინსტრუქციას ის არ აძლევდა.

„მოითმინეთ, არ გადახვიდეთ შეტევაზე“ - ეს იყო გახარიას ერთგვარი მოწოდება და „ითმინეთ, ითმინეთ, ითმინეთ“. მაგრამ როდესაც აღარ შეიძლებოდა მოთმენა, ბუნებრივია, რომ გახარია იღებს ამაზე პასუხისმგებლობას. იქ რიგითი წევრი - შევუტიოთო ვერ გასცემდა ბრძანებას და ვერც სამოქალაქო პირი ამ საკითხში ვერ ჩაერეოდა. გახარია, რა თქმა უნდა, ვერ იტყოდა რომ ესროლეთ პირდაპირ ფეხებში, იმ ცნობილი ფილმის არ იყოს, ან არ ესროლოთ თავში. ბუნებრივია, ეს საკითხი არ იდგა. პოლიტიკური პასუხისმგებლობის საკითხი რატომ უნდა დადგეს, როდესაც გახარია არის მთლიანი შინაგან საქმეთა სამინისტროს ხელმძღვანელი და მას აქვს უამრავი დანაყოფი, რომელსაც ჰყავს თავისი ხელმძღვანელები და პირდაპირ გახარია იმათ არ ელაპარაკება. ამ ფონზე ახლა „გახარია გადადექი“ აბსოლუტურად მიზანშეუწონელია“, - განაცხადა ნუკრი ქანთარიამ "რუსთავი 2"-თან საუბრისას.

ავტორი: ექსპრესნიუსი,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა