იუსტიციის სამინისტროს სსიპ „დანაშაულის პრევენციის ცენტრისა“ და სსიპ „არასაპატიმრო სასჯელთა აღსრულებისა და პრობაციის ეროვნული სააგენტოს“ ბენეფიციარების ორგანიზებით, დუშეთის მუნიციპალიტეტის პირმისაანთკარის შშმ პირთა პანსიონატში მუსიკალურ-შემოქმედებითი საღამო გაიმართა.

არასრულწლოვანმა/სრულწლოვანმა ბენეფიციარებმა პანსიონატში მცხოვრებ პირებს საკუთარი შემოქმედება გააცნეს, შესრულდა რამდენიმე მუსიკალური და ქორეოგრაფიული ნომერიც.

ღონისძიებას დანაშაულის პრევენციის ცენტრის დირექტორის მოვალეობის შემსრულებელი ლადო ჯავახიშვილი, პრობაციის ეროვნული სააგენტოს მცხეთა-მთიანეთის ბიუროს უფროსი ირაკლი არაბიძე, სსიპ “ადამიანით ვაჭრობის  (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდისა” და ადგილობრივი მუნიციპალიტეტის წარმომადგენლები დაესწრნენ.

პანსიონატის ბენეფიციარების თხოვნით, ღონისძიებაში ადგილობრივი ფოლკლორული ანსამბლიც ჩაერთო. აღსანიშნავია, რომ დანაშაულის პრევენციის ცენტრისა და პრობაციის ეროვნული სააგენტოს არასრულწლოვანი/სრულწლოვანი ბენეფიციარები უკვე რამდენიმე თვეა პანსიონატთან მოხალისეობრივად თანამშრომლობენ.

(NS)

ავტორი: ექსპრესნიუსი,

სოციალური ქსელები

გზების დეპარტამენტი: საქართველოში ფასიანი გზები არ იქნება

წილოსანი: არავინ დაბულინგდება, რომ ივანიშვილის შექება მოგვერიდოს

აშშ-ში ქართველი მიგრანტი ICE-ის პატიმრობაში გარდაიცვალა

შსს-მ ნარკოდანაშაულის ბრალდებით 119 პირი დააკავა, მათ შორის 49 ნარკორეალიზატორია