ფრაქცია „ქართული ოცნება - სოციალ-დემოკრატების" თავმჯდომარემ, გია ჟორჟოლიანმა პლენარულ სხდომაზე გამოსვლისას განაცხადა, რომ უნივერსიტეტს ავტონომია სჭირდება, მაგრამ კომპეტენციის გარეშე ავტონომიურობამ შეიძლება  მხოლოდ ზიანი მოიტანოს.

„ავტონომია უნივერსიტეტს სჭირდება იმისთვის, რომ იქ არ იყოს იდეოლოგიური შეზღუდვები და არ იყოს პოლიტიკური პრეფერენციებით შეზღუდვები. თუ ჩვენ დარწმუნებულები არ ვართ, რომ იქ მაღალი ხარისხის და მართლაც ავტონომიურად მოაზროვნე პროფესორები არიან და იქ არის პროფესურა, რომლებიც პოლიტიკურად, იდეოლოგიურად და ასე შემდეგ ანგაჟირებულია, ორგანიზაციული ავტონომიის მეშვეობით ჩვენ ვამყარებთ სტაგნაციას, რაც ხელს უშლის რეალურად აზროვნების ავტონომიურობის დამკვიდრებას.

როდესაც ჩვენ ვლაპარაკობთ დეცენტრალიზაციაზე, რა კომპეტენციები აქვთ იმ ჯგუფებს, ადამიანებს და ინსტიტუტებს, რომლებსაც ჩვენ მოვუწოდებთ, რომ გინდა თუ არა თქვენს თავზე აიღეთ რაღაც. ჯერ მხარი დავუჭიროთ, ჯერ კომპეტენცია შევძინოთ. რა თქმა უნდა, ავტონომია კარგია, მაგრამ კომპეტენციის გარეშე შეიძლება მხოლოდ და მხოლოდ ზიანი მოიტანოს," - განაცხადა გია ჟორჟოლიანმა.

ფრაქცია „ქართული ოცნება - სოციალ-დემოკრატების" თავმჯდომარე თავის გამოსვლაში  გუშინ განათლების, მეცნიერებისა და კულტურის კომიტეტის სხდომაზე ზუგდიდის მეექვსე სკოლის შემთხვევასთან დაკავშირებით გამართულ მოსმენას გამოეხმაურა.

„ჩვენ, ყველამ ძალიან დიდი მწუხარება გამოვთქვამთ ზუგდიდის მეექვსე სკოლის დირექტორის, ქალბატონ ია კერზაიას გარდაცვალების გამო, თანადგომას ვუცხადებთ და ვიზიარებთ მწუხარებას ამ ოჯახისას, მაგრამ მე მინდა, ასევე მწუხარება გამოვთქვა იმის თაობაზე, რომ ჩემი მოსაზრებით, ამ ტრაგიკული ფაქტის გამოყენება ხდება აბსოლუტურად პოლიტიკური სპეკულაციისათვის და მიმაჩნია, რომ ეს არის ძალიან დიდი ამორალურობა. ამიტომ, ბატონო მინისტრო ვფიქრობ, რომ თქვენი არგუმენტაცია საკმაოდ დამაჯერებელი იყო“, - განაცხადა გია ჟორჟოლიანმა.

მისი მოსაზრებით, რადიკალური და მყისიერი ცვლილებები როგორც სკოლის შეფასების სისტემასთან, ასევე მისაღებ გამოცდებთან დაკავშირებით, ძალიან სერიოზულ განსჯას საჭიროებს და დღეისათვის, შეიძლება  ეს მხოლოდ ზიანის მომატანი იყოს.

ფრაქციის თავმჯდომარის განცხადებით, დადებითად შეიძლება შეფასდეს ის ფაქტი, რომ დღეს უკვე, აღნიშნული საკითხის განხილვაში საზოგადოება ჩაერთო.

ავტორი: ,

სოციალური ქსელები

ფიფა 2026 წლის მსოფლიო ჩემპიონატის ფინალის გადადებას ხანძრების გამო გამორიცხავს - Bloomberg

ზელენსკი სირსკის შემცვლელად მუშაობას განიხილავს - FT

უკრაინის გენერალურმა შტაბმა ნავთობის საცავის გარდა, ტანკერების და გემ „სვეტლიაკის“ დაბობვის შესახებ განაცხადა

ტაქსის ფასებით თურქეთი საქართველოს მეზობლებს შორის ლიდერობს, საქართველო კი მეორე ადგილზეა