თბილისში, შოთა ნადირაშვილის 22-ში, საცხოვრებელ კომპლექს „დირსის“ ერთ-ერთ საცხოვრებელ კორპუსში ბუნებრივი აირი ჟონავდა.

„ყაზტრანსგაზ-თბილისის“ განცხადებით, კომპანიას გაზის სუნის შესახებ 21B კორპუსის მცხოვრებლებმა შეატყობინეს.

კორპუსი კომპანიის სპეციალისტებმა შეამოწმეს. მათი თქმით, დეტალურად შემოწმდა გაზსადენი, სერვერის საშუალებით შემოწმდა ლიფტისა და საკომუნიკაციო შახტები. ამასთან, კომპანიაში აცხადებენ, რომ გაზის გაჟონვა საკომუნიკაციო შახტში სერვერმა დააფიქსირა. უსაფრთხოების მიზნით, გადაეკეტა კორპუსს გაზი. გადაკეტვის შემდეგ კორპუსის მიმდებარედ შემოწმდა საკომუნიკაციო და საკანალიზაციო ჭები, სადაც სერვერმა გაზის კონცენტრაცია არ დააფიქსირა.

როგორც „ყაზტრანსგაზში“ აცხადებენ, კორპუსში ბინები ლაზერული აპარატით შემოწმდა და მესამე სართულის დაკეტილ №8 ბინაში დიდი რაოდენობით გაზის დაგროვება დაფიქსირდა. კომპანიის სპეციალისტებმა ადგილზე გამოიძახეს საპატრულო, სახანძრო და სამაშველო სამსახური.
მათივე თქმით, სამაშველო სამსახურის თანამშრომლებმა ბინაში აივნიდან შეაღწიეს.
როგორც გაირკვა, მილი, საიდანაც ბუნებრივი აირი ჟონავდა, თვითნებურად იყო დამონტაჟებული.

(NS)

ავტორი: ,

სოციალური ქსელები

კიევსა და სხვა რამდენიმე ქალაქში ფედოროვის მხარდამჭერი საპროტესტო აქციები მეორე დღეა გრძელდება: მონაწილეები სკანდირებენ „სირსკი, წადი!“

უკრაინის ეროვნული პოლიციის უფროსის მოვალეობის შემსრულებლად მაქსიმ ცუცქირიძე დაინიშნა

აშშ-მ ირანის წინააღმდეგ ახალი დარტყმების სერია დაიწყო

ნათელაშვილი ტრამპის მადლობაზე - ხელოვნური ინტელექტის მიერ კომპიუტერის მეშვეობით გამოგზავნილი პასუხია მილოცვებზე მთელი მსოფლიოს მასშტაბით