2018-12-02 17:52:10, 1689 ნახვა
სამართალი
ლანჩხუთში ნაპოვნი პირადობების საქმეზე კახა ასკურავა მთავარ პროკურატურაში გამოიკითხება
სოციალურ ქსელში გავრცელებული ინფორმაციის საფუძველზე, ლანჩხუთის საკრებულოს დეპუტატი, „ნაციონალური მოძრაობიდან“ კახა ასკურავა გამოკითხვაზე მთავარ პროკურატურაშია დაბარებული.
საგამოძიებო უწყებაში აცხადებენ, რომ ასკურავას დღეს დაუკავშირდნენ და მან აღნიშნა, რომ გავრცელებულ ინფორმაციასთან დაკავშირებით ჩვენების მიცემას ხვალ შეძლებს.
მთავარ პროკურატურაში ლანჩხუთის საკრებულოს წევრი 12:00 სთზე გამოცხადდება.
ცნობისთვის, კახა ასკურავამ Facebook-ის საკუთარ გვერდზე გაავრცელა ინფორმაცია, რომ ლანჩხუთში გადაყრილი პირადობის მოწმობები აღმოაჩინეს. „დილით ვიპოვე გადაყრილი ლანჩხუთში. აი, ასე გააყალბეთ არჩევნები“, - წერს ასკურავა.
![]()
ავტორი: ,
epn.ge (@expressnews.ge)
