ვატყობ, ჩვენც გამოვხშირავთ პროკურატურაში და შსს-ში იმ ხალხს, რომლებიც  "ნაციონალების" დროს  იყვნენ თანამდებობაზე, რადგან სხვანაირად თავს ვეღარ ვიცავთ,-ამის შესახებ გარდაცვლილი  ბუტა რობაქიძის მამამ, სოსო რობაქიძემ,  იური ვაზაგაშვილის ტრაგიკულად დაღუპვასთან დაკავშირებით განაცხადა.
ამასთან, რობაქიძემ საქართველოს ყოფილი პრემიერ-მინისტრის, ბიძინა ივანიშვილისა და  იური ვაზაგაშვილის შეხვედრა დაადასტურა.
"ის, ხალხი, რომლებიც "ნაციონალების"  დროს იყვნენ თანამდებობაზე პროკურატურაში და შინაგან საქმეთა სამინისტროში, დღესაც არიან. ამ ხალხს მიუწვდებათ ხელი იარაღზე, ამაფეთქებელ ნივთიერებებზე, ტექნიკაზე და აბსოლუტურად ყვეალფერზე და რომ ვამბობდი, რომ ეს ხალხი გირაოს ქვეშ არ უნდა იყოს, ფირცხალავასნაირებიო, დონაძისანირები და ა.შ. ამას არავინ არ იჯერებდა და შედეგი მივიღეთ.თუ წავა ისე საქმე, რომ უნდა დაგვხოცონ, ჩვენც რაღაცას ვიზამთ რა, კანონიერად ვერაფერს ვაკეთებთ, ჩვენც გამოვხშირავთ ამ ხალხს ნელ-ნელა ვატყობთ.იმიტომ, რომ სხვანაირად თავს ვეღარ ვიცავთ ამ ქვეყანაში. შვილის საფლავთან ვეღარ მივდივართ, რომ ვიტიროთ. რაც შეეხება ივანიშვილთან შეხვედრას, ვადასტურებ, რომ 4 დღის უკან იური ვაზაგაშვილი  ბიძინა ივანიშვილს შეხვდა",-განაცხადა სოსო რობაქიძემ.
შეგახსენებთ, კასპის რაიონის სოფელ ყარაფილაში იური ვაზაგაშვილი შვილის, ზურაბ ვაზაგაშვილის, საფლავზე გარდაცვლილი იპოვეს. წინასწარი ინფორმაციით, ის ააფეთქეს.ყარაფილას სასაფლაოზე, სამართალდამცავები მთელი ღამის განმავლობაში იმყოფებოდნენ. ადგილზე ამ დროისთვისაც მობილიზებული არიან ექსპერტ კრიმინალისტები და საგამოძიებო მოქმედებები მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქოში აცხადებენ, რომ საეკლესიო კრებაზე 1 200-მდე დელეგატი იქნება

პატრიარქის არჩევასთან დაკავშირებით, 11 მაისს, 09:00 საათიდან 18:00-მდე სამების მიმდებარე ტერიტორიაზე, რამდენიმე მიმართულებით საავტომობილო მოძრაობა შეიზღუდება

ხვალ ეკლესიას ეყოლება ახალი პატრიარქი - მამა ანდრიამ გაფართოებული კრების დეტალები დააზუსტა

ევროპარლამენტი ევროკავშირში VPN-ების შეზღუდვას განიხილავს