„მარიხუანას თემაზე გუნდის რეაქცია ადეკვატური იყო, კანონპროექტი არის შეჩერებული“, - ამის შესახებ ყოფილმა პრემიერ–მინისტრმა და  პარტია „ქართული ოცნების“ თავმჯდომარემ, ბიძინა ივანიშვილმა ჟურნალისტებთან შეხვედრისას განაცხადა.

 ბიძინა ივანიშვილმა განმარტა, თუ რამდენად მომგებიანი იქნებოდა კანაფის კულტივაცია.

„რასაც აქვს ხიბლი ამ წარმოებაში და რატომ შევიდა პარლამენტში ეს კანონმდებლობა და მათ რიცხვში მეც ვმონაწილეობდი განხილვაში, კიდევ ვიმეორებ, რომ არის წარმოება სამედიცინო და კოსმეტიკური მიზნით. რენტაბელობა ძალიან დიდი, რაც ჩემთვის ძალიან საინტერესოა  500 პროცენტზე მეტია და არის ძალიან დიდი ობიექტური გათვლები, რომ შეიძლება მილიარდი დოლარის და უფრო მეტის ექსპორტი განხორციელდეს ერთ-ორ და სამ წელიწადში. მინდა, ჩამოვთვალო ქვეყნები, რომლებიც მარიხუანას აწარმოებენ და ექსპორტზეც გააქვთ: აშშ, ინგლისი, ისრაელი, საბერძნეთი, იტალია. როდესაც გუნდშიც გვქონდა ამაზე განხილვა, გუნდის ზოგიერთ წევრს არ აწყობდა ასეთი ქვეყნების ჩამონათვალი, ამბობდნენ, რომ ისინი განვითარებული ქვეყნები არიან, მე ვთქვი, რომ უზბეკეთიც დიდი რაოდენობით მარიხუანას აწარმოებს სამრეწველო დანიშნულებით. რა თქმა უნდა, შფოთვაზე, რომელიც გამოავლინა საზოგადოებამ, ადეკვატური იყო გუნდის რეაქცია, კანონპროექტი არის შეჩერებული. გაგრძელდება მასზე მსჯელობა, მათ შორის საპატრიარქოსთან, თუ ვნახავთ და დავრწმუნდებით, რომ ეს მართლაც ხიფათის შემცველია, ჩვენი გუნდი არასდროს წასულა საზოგადოების წინააღმდეგ და არ წავა არც ახლა“, - აღნიშნა ბიძინა ივანიშვილმა.

ავტორი: ,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს