დედაქალაქის მერი და "ქართული ოცნების" გენერალური მდივანი კახა კალაძე დარწმუნებულია, რომ პირი, რომელმაც პროკურატურის ყოფილი ჩინოსნის მირზა სუბელიანისა და დეპუტატის ვიქტორ ჯაფარიძის საუბარი ჩაწერა და ციხიდან გამოიტანა, კონკრეტულ ჯგუფს დაშანტაჟებული ჰყავს.

როგორც კალაძემ აღნიშნა, გამოძიება უნდა დაინტერესდეს როგორც მირზა სუბელიანის მიერ დასახელებული საქმეებით, ასევე იმ პირით, ვინც ჩანაწერები გააკეთა. 

კალაძე მიიჩნევს, რომ ჩანაწერების გავრცელება მმართველი გუნდის ოპონენტების ინტერესებში შედის. 

„თუ ამ ადამიანს გააჩნდა რაიმე ამდაგვარი ჩანაწერები და ინფორმაციები, მას შეეძლო აქამდეც წარმოედგინა ეს საზოგადოებისთვის. აუცილებელია, გამოძიების დაწყება ყველა იმ ნასაუბრებზე , რაც მან წარმოთქვა და ასევე აუცილებელია, მოხდეს გამოძიება თუ ვინ დააშანტაჟა ის კონკრეტული ადამიანი, ვინც ასე ვთქვათ დაავალდებულეს, რომ ეს საუბრები ჩაეწერა, გაეკეთებინა და გამოეტანა. ეს ყველაფერი ხდება იმისთვის, რომ ზოგიერთ მავნებელ პოლიტიკურ ძალას სურს ქვეყანაში არეულობის მოწყობა. მე კიდევ ერთხელ ვიმეორებ, რომ არავინ არ გაბედოს კანონს მიღმა რაიმე ნაბიჯების გადადგმა, თორემ ყველა სათითაოდ აგებს მკაცრად პასუხს,“ - კახა კალაძე

ავტორი: ,

სოციალური ქსელები

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა