ფონდ „იავნანას“  პრეზიდენტის, პაატა ბურჭულაძის მეუღლეს, ანგელა ვასილენკოს, დღეს თბილისის საქალაქო სასამართლოში გამოკითხვაზე ელოდებიან.

ვასილენკო მზად არის ყველა იმ დეტალზე ისაუბროს, რაც ფონდ „იავნანას“ საქმიანობას უკავშირდება.

„მე დიდი ხანი მინდოდა ამეხსნა პროკურატურისთვის ჩემი მოვალეობები ფონდში. მე 2014 წლიდან ფონდის საორგანიზაციო საკითხებში ვარ ჩართული. მეხებოდა ფონდის სამხატვრო მიმართულება. ეს იყო საკმაოდ რთული სამუშაო, რადგან ხელოვანების მოწვევა და აქ ჩამოყვანა არც ისე მარტივია. მე ვმუშაობდი მათ ჩამოყვანაზე და ეს ყველაფერი იყო საქველმოქმედო ხასიათის და სწორედ ამ ყველაფერზე ვაპირებ დღეს მე სასამართლოში ვისაუბრო“, - განაცხადა ანგელა ვასილენკო.

ცნობისთვის, ბურჭულაძის მეუღლე სასამართლოში 4 ოქტომბერს უნდა გამოცხადებულიყო, თუმცა ქვეყნიდან მისი გამგზავრების გამო გამოკითხვა არ შედგა.  საქმე ეხება საქართველოს მთავარი პროკურატურის საგამოძიებო ნაწილის წარმოებაში არსებულ ა(ა)იპ „უდედმამო და მშობლების მზრუნველობას მოკლებულ ბავშვთა ფონდ იავნანა“-ს დიდი ოდენობით თანხის, სამსახურებრივი მდგომარეობის გამოყენებით, შესაძლო მითვისება-გაფლანგვის ფაქტებს. მიმდინარე გამოძების ფარგლებში, მოწმის სახით გამოკითხვის მიზნით, პაატა ბურჭულაძის მეუღლე მთავარ პროკურატურაში 2018 წლის პირველ მარტსაც დაიბარეს, თუმცა მაშინ იგი საგამოძიებო ორგანოში არ გამოცხადდა და ამის მიზეზად მისი საზღვარგარეთ ყოფნა დასახელდა. ფონდ „იავნანას“ შემოწირულობების არამიზნობრივად ხარჯვის შესახებ ინფორმაცია თავდაპირველად მედიით გავრცელდა. გავრცელებული ინფორმაციის თანახმად, ფონდიდან პაატა ბურჭულაძის მეუღლის ხელფასის, სასტუმროების დაქირავებისა და ავიაბილეთებისთვის რამდენიმე ასეული ათასი ლარი იხარჯებოდა.

ფოტო: 1tv.ge

ავტორი: ,

სოციალური ქსელები

პუტინის რეჟიმმა სუმს დაარტყა გარდაიცვალა 4 ადამიანი მათ შორის ბავშვი, დაიჭრნენ ბავშვები

ზელენსკი: ნიდერლანდები დათანხმდა სპეციალური ტრიბუნალის შექმნას რუსეთის აგრესიის გამოსაძიებლად

ტეილორ სვიფტი და ტრევის კილსი დაქორწინდნენ: ახალი ერა ამერიკის „სამეფო წყვილისთვის“ დაიწყო

პუტინი: კონსტანტინოვკას განთავისუფლებას სტრატეგიული მნიშვნელობა აქვს დემოკრატიული რესპუბლიკისთვის