2018-09-10 20:14:21, 1377 ნახვა
სამართალი
პირს, რომელიც ალი და ნინოს ქანდაკებაზე აძვრა 12-დღიანი პატიმრობა მიესაჯა
კონსტანტინე ედიბერიძეს, რომელიც დღეს ბათუმში ალი და ნინოს ქანდაკებაზე ავიდა და ჩამოსვლაზე უარს აცხადებდა, ბათუმის საქალაქო სასამართლომ 12 დღიანი პატიმრობა მიუსაჯა.
მოსამართლეს გადაწყვეტილების გამოცხადება დარბაზში ხმაურის ფონზე მოუწია. ედიბერიძე სასამართლო სხდომაზე მოსამართლესა და სამართალდამცავებს ეკამათებოდა, განაჩენის მოსმენის შემდეგ კი, მან განსასჯელის მაგიდა გადააბრუნა.
კონსტანტინე ედიბერიძეს ბრალი პოლიციისადმი დაუმორჩილებლობასა და წვრილმან ხულიგნობაში ედება.
ცნობისთვის, კონსტანტინე ედიბერიძე ბათუმში, ერთი თვის განმავლობაში ადმინისტრაციული სამართალდარღვევის გამო, მეოთხედ დააკავეს.
![]()
ავტორი: ,
epn.ge (@expressnews.ge)
