გარემოს დაცვისა და სოფლის მეურნეობის სამინისტროში ევროკავშირის საჯარო სამსახურების დაძმობილების პროექტის „ტყის მდგრადი მართვის გაძლიერება საქართველოში“ საკოორდინაციო შეხვედრა გაიმართა.

შეხვედრას გარემოს დაცვისა და სოფლის მეურნეობის მინისტრის მოადგილე იური ნოზაძე ხელმძღვანელობდა.

შეხვედრაზე 3 თვის განმავლობაში პროექტის მიერ მიღწეული შედეგები და სამომავლოდ დაგეგმილი ღონისძიებები განიხილეს. 

იური ნოზაძის განცხადებით, უაღრესად მნიშვნელოვანია ევროკავშირის ჩართულობა და მხარდაჭერა საქართველოსთვის  სატყეო სექტორის განვითარების მიმართულებით, რაც უზრუნველყოფს ასევე, სატყეო კანონმდებლობის სრულყოფას, რისთვისაც დელეგაციის წევრებს  მადლობა გადაუხადა.
შეხვედრას გარემოსდაცვით საკითხებში ევროკავშირის ახალი წარმომადგენელი საქართველოში  ალექსანდრე დარრასი ესწრებოდა.

როგორც ალექსანდრე დარრასმა განაცხადა, მოხარულია, რომ საქართველოსთვის მოუწევს მუშაობა და მომავალში ნაყოფიერი თანამშრომლობის სურვილი გამოთქვა. 

გარემოს დაცვისა და სოფლის მეურნეობის სამინისტროში გამართულ შეხვედრას სამინისტროსა და მის სისტემაში შემავალი დარგობრივი უწყებების წარმომადგენლებთან ერთად, ლიტვის რესპუბლიკის გარემოს დაცვის სამინისტროსა და უნგრეთის რესპუბლიკის  სოფლის მეურნეობის სამინისტროს წარმომადგენლები ესწრებოდნენ.

აღსანიშნავია, რომ საქართველო-ევროკავშირის ასოცირების ხელშეკრულების გარემოსდაცვითი თავი ითვალისწინებს ევროკავშირის შესაბამის კანონმდებლობასთან ჰარმონიზაციას და სატყეო სექტორში მდგრადი მართვის პრინციპების დანერგვას. ასოცირების შეთანხმების საფუძველზე შეიქმნა საჯარო სამსახურების დაძმობილების პროექტიც, რომელიც ლიტველი და უნგრელი საჯარო მოხელეების რეკომენდაციების საფუძველზე მიზნად ისახავს სატყეო კანონმდებლობის გაუმჯობესებას, ტყის მართვის ორგანოების შესაძლებლობების განვითარებასა და საინფორმაციო და მონიტორინგის სისტემების დახვეწას.

(NS)

ავტორი: ,

სოციალური ქსელები

აშშ-ში თავშესაფრის მისაღებად ყალბ ისტორიებს ქმნიდნენ – პროკურატურამ ბრალდება 4 პირს წარუდგინა

კალაძე: "დიფსთეითი" თანამედროვე მსოფლიოსთვის უდიდესი პრობლემაა

გაზსადენზე მომხდარი ავარიის გამო დიღომში, დიდ დიღომსა და გლდანის რაიონში 4600 აბონენტს გაზის მიწოდება შეუწყდა

მერიამ ე.წ. დეზერტირების ბაზრის მიმდებარედ გარემოვაჭრეების დახლები აიღო