რუსი ტურისტებით სავსე თვითმფრინავს მეხი დაეცა

2018-08-11 15:32:02, 4898 ნახვა

მსოფლიო

რუსული სამგზავრო თვითმფრინავს "Boeing 737", რომელიც რეისს ბურგასი-მოსკოვი ასრულებდა, მეხი დაეცა, - ინფორმაციას «Вечерняя Москва», "ვნუკოვოს" აეროპორტის დასკვნაზე დაყრდნობით ავრცელებს.

მედია საშუალების ინფორმაციით, ამის შედეგად თვითმფრინავის ერთი ფრთა დაზიანდა. ბორტზე რუსეთის მოქალაქეები იმყოფებოდნენ. დაშვების შემდეგ თვითმფრინავი სპეციალისტებმა დაათვალიერეს:

"გარედან შემოსული ელექტრომუხტის შედეგად თვითმფრინავის ფრთის კონსტრუქცია და ჭანჭიკები არის დამდნარი", -ნათქვამია დასკვნაში.

თვითმფრინავებს ელვა ხშირად არტყავს, რადგანაც საჰაერო ტრანსპორტი ელექტროენერგიით დამუხტულ ატმოსფეროს ნაწილში მოძრაობს, მაგრამ ამ შემთხვევაში ნებისმიერი თვითმფრინავის კონსტრუქციაში შემავალი მოწყობილობა ირთვება და ელექტრომუხტს ახშობს. რატომ არ ამოქმედდა აღნიშნული მოწყობილობა "Boeing 737"-ში უცნობია.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები