ნიკოლ ფაშინიანი: რუსეთი სომხეთში შექმნილ ახალ ვითარებას უნდა შეეგუოს

2018-08-10 16:08:59, 2936 ნახვა

მსოფლიო

სომხეთის პრემიერ-მინისტრის ნიკლ ფაშინიანის განცხადებით, რუსმა პარტნიორებმა სომხეთში შექმნილ ახალ ვითარებას უნდა შეეგუონ, - ამის შესახებ Armen Press იუწყება.

„ქვეყანაში ახალი სიტუაციაა და ჩვენ ყველამ, მათ შორის, ჩვენმა რუსმა პარტნიორებმაც, ახალ ვითარებასთან ადაპტაცია უნდა გავიაროთ. ასე, რომ ყველაფერი რიგზეა", - აღნიშნა ფაშინიანა.

ფაშინიანი სომხეთის მეორე პრეზიდენტის რობერტ ქოჩარიანის დაკავებასაც გამოეხმაურა და აღნიშნა, რომ მისი მხრიდან კომენტარის გაკეთება, მიუღებელი იქნება.

"ამ ვითარებას ვერ შევაფასებ, რადგან შესაძლოა ის ერთგვარ ზეწოლად იქნას აღქმული. მოსახლეობას არსებულ კითხვებზე პასუხები ისედაც აქვს", - დასძინა პრემიერმა.

მანამდე რუსეთის საგარეო საქმეთა მინისტრმა სერგეი ლავროვმა ქოჩარიანის დაკავების გამო შეშფოთება გამოთქვა და ქვეყნის ახალი ხელისუფლება წინამორბედთა პოლიტიკურ დევნაში დაადანაშაულა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები