„საგამოძიებო კომისიის რეკომენდაციების თანახმად, მ.კ. უნდა დაექვემდებაროს სისხლის სამართებლივ დევნას“,  -ამის შესახებ ხორავას ქუჩაზე მომხდარი მკვლელობის შემსწავლელი პარლამენტის საგამოძიებო კომისიის მდივანმა ოთარ კახიძემ ჟურნალისტებს განუცხადა.

ოთარ კახიძის შეფასებით, საქმის პროკურორები არ ატარებენ შესაბამის ღონისძიებებს, რაც მ.კ.–ს მხილებისთვის არის საჭირო.

„მ.კ. როგორც მოგეხსენებათ,  საგამოძიებო კომისიის რეკომენდაციების თანახმად, უნდა დაექვემდებაროს სისხლის სამართებლივ დევნას, მის წინააღმდეგ არსებული მტკიცებულებების გათვალისწინებით. მ.კ. არის ის პირი, ვისი უშუალო ჩართულობითაც დაიწყო საერთოდ ეს კონფლიქტი. ის არის პირი, ვინც ჩხუბის დაწყებიდან, დასრულებამდე იმყოფებოდა დავით სარალიძესთან ერთად ფარდულში და მასთან უშაულო ფიზიკური კონტაქტი ჰქონდა, იჭერდა და ურტყამდა მას. როგორც ირკვევა, არსებობს 8 მოწმის მტკიცებულება, ასევე მ.კ.-ს საკუთრივ აღიარებითი ჩვენება,  რომ იგი არის მკვლელობაში თანამონაწილე და საქმის პროკურორები არ ატარებენ შესაბამის ღონისძიებებს, რომელიც მ.კ.- ს მხილებისთვის არის საჭირო და დღემდე ამტკიცებენ, რომ გ.ბ არის სარალიძის მკვლელობაში დამნაშავე და მ.კ.“, -აღნიშნა ოთარ კახიძემ.

სპეციალიზებულ ცენტრში, საგამოძიებო კომისიის მიერ  მ.კ.– ს გამოკითხვა მიმდინარეობს. კომისიამ უკვე დაკითხა მოზარდების მკველობის საქმის ერთ-ერთი მოწმე ა.ს., რომელმაც შენობა მედიასთან გამოჩენის გარეშე დატოვა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია