„ისედაც ვიცით, რომ რუსეთისთვის ჩვენი ნატო-ში გაწევრიანება მიუღებელია. ზუსტად იმიტომ გვინდა ალიანსში შესვლა, რომ მათი აგრესიისგან დაცულები ვიყოთ“, - ასე გამოეხმაურა „ევროპული საქართველოს“ წევრი ოთარ კახიძე, რუსეთის პრეზიდენტის, ვლადიმერ პუტინის განცხადებას.

პუტინმა Fox news-თან ინტერვიუში აღნიშნა, რომ რუსეთს საქართველოსა და უკრაინის ნატო-ში გაწევრიანების შემთხვევაში უკიდურესად უარყოფითი რეაქცია ექნება.

„პუტინის განცხადება სიურპრიზი არ არის, ჩვენ ისედაც ვიცით, რომ რუსეთის ფედერაციისთვის მიუღებელია ჩვენი ნატოში გაწევრიანება. ჩვენც ზუსტად იმიტომ გვინდა ალიანსში შესვლა, რომ ვიყოთ დაცულები მათი აგრესიისგან, რისი მსხვერპლიც არის ჩვენი ქვეყანა უკვე 200 წელზე მეტია. ისევე, როგორც ბალტიის ქვეყნებმა, უნდა მოვანგრიოთ და გავარღვით ეს მოჯადოებული წრე. მინდა საზოგადოებას ვუთხრა, რომ ასევე უკიდურესად წინააღმდეგი იყო რუსეთი თავის დროზე ჯერ ჩეხეთის, უნგრეთისა და პოლინეთის ნატოში გაწევრიანების, ხოლო როცა 2004 წელს ლიტვა, ლატვია და ესტონეთი შევიდნენ ნატოში, საერთოდ ისტერიკა ჰქონდათ მოწყობილი. დროთა განმავლობაში ნატო ფართოვდება, ეს ნაბიჯები იდგმება და აუცილებლად დადგება ის მომენტი, როცა ჩვენ გავხდებით ჩრდილო-ატლანტიკური ალიანსის წევრი“, - განაცხადა კახიძემ და დასძინა, რომ რუსეთთან ურთიერთობები საქართველოს ნატო-ში გაწევრიანების შემდეგ მოგვარდება.

„სწორედ მაშინ მოგვარდება და დალაგდება ჩვენი ურთიერთობები რუსეთთან, როცა უკვე ჩათვლის, რომ ჩვენთან ვეღარ გაუვა რამე მოქმედება“, - აღნიშნა ოთარ კახიძემ. 

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია