“არჩევნებთან დაკავშირებით ერთი სერიოზული კომპონენტია, “ქართული ოცნება“ კანდიდატს ვერ ასახელებს", - ამის შესახებ საქართველოს პრეზიდენტმა გიორგი მარგველაშვილმა TV25-სთვის მიცემულ ინტერვიუში განაცხადა.

პრეზიდენტის განმარტებით, მომავალ კანდიდატს ძალიან ბევრ კითხვაზე მოუწევს პასუხის გაცემა და ეს მარგველაშვილის შეფასებით, შერჩევის პროცესს კიდევ უფრო ართულებს.

"ამ პროცესის შემადგენელი ნაწილია ჩემს მიერ კანდიდატურის დასახელება-არდასახელების საკითხი. პროცესს რომ ვაკვირდები, პოლიტიკური კურიოზია, მმართველი პოლიტიკური ძალა კანდიდატს ვერ ასახელებს. ძალიან მარტივად გეტყვით რატომ ვერ ასახელებს და სულ გვესმის, რომ ვიღაცებმა უარი თქვეს... იმის გამო, რასაც 5 წელიწადი პრეზიდენტის ინსტიტუტის მიმართ აკეთებდნენ. ეს იყო შეურაცხყოფის, დაკნინების, პოლიტიკური შანტაჟის, შავ პიარსაც არ დავარქმვე, პროპაგანდის ზღვა, რომელიც ააზვირთეს. ეს ყველაფერი ახლა ‘“ქართულ ოცნებაში“ მყოფმა „ნაციონალებმა“ კი არ ქნეს, არამედ მათ, ვინც თავიდან ვიყავით „ოცნებაში“. კანდიდატს ვერ არჩევენ, რადგან მას ძალიან ბევრ კითხვაზე მოუწევს პასუხის გაცემა. როცა კანდიდატს დაასახელებენ, უნდა კითხონ, თუ გააკეთებს იმას, რასაც ეტყვიან, თუ დაჯდება იქ, სადაც ეტყვიან, ვეტოს დაადებს თუ არა ამა თუ იმ კანონს, კითხავენ, გამოავლენს თუ არა ხასიათს, ან იქნება თუ არა ჭკვიანი ბიჭი ან გოგო, იმდენ რამეზე უნდა მიაყენოს შეურაცხყოფა კანდიდატმა თავის თავს, რომ უჭირთ კანდიდატის დასახელება“, - განაცხადა მარგველაშვილმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია