პარლამენტის საკომიტეტო მოსმენისას, "პატრიოტთა ალიანსის" წევრმა, ემზარ კვიციანმა შინაგან საქმეთა მინისტრს გიორგი გახარიას კოკა კობალაძის ცემის ფაქტთან დაკავშირებით კითხვა დაუსვა.

გიორგი გახარიამ განაცხადა, რომ ამ საქმეზე გენინსპექცია მოკვლევას უკვე აწარმოებს და ასევე,  გამოძიება დაწყებულია პროკურატურაში.

„ჯერჯერობით არანაირად არ დასტურდება, რომ იქ იყვნენ პოლიციელები. ფორმალურ მხარეს მოგახსენებთ, რომ გენინსპექციას უკვე დაწყებული აქვს მოკვლევა. გარდა ამისა პროკურატურაში საქმე უკვე აღძრულია და  დაწყებულია გამოძიება - მიუხედავად იმისა, რომ ჩვენ შინაგან საქმეთა სამინისტროში, დღევანდელი მონაცემებით, პრაქტიკულად დარწმუნებული ვართ, რომ ეს არ იყვნენ შინაგან საქმეთა სამინისტროს წარმომადგენლები. სამინისტროს წარმომადგენლები ოფიციალურად მივიდნენ ამ მისამართზე მას შემდეგ,  რაც ეს მოხდა და მას შემდეგ რაც შეტყობინა შემოვიდა შინაგან საქმეთა სამინისტროში. იქ არსებობს რამდენიმე ვერსია და გარწმუნებთ, რომ უახლოეს პერიოდში ეს ვერსიები გაიხსნება და ამას მოგახსენებთ. მინდა ხაზგასმით აღვნიშნო, რომ რაც უფრო მეტი რეფორმები ტარდება შინაგან საქმეთა სამინისტროში, პოლიციელის დისკრედიტაციის მით უფრო მეტი მცდელობა ჩნდება. გარწმუნებთ, რომ ჩვენი მოთხოვნა არის პოლიციელის მიმართ მხოლოდ და მხოლოდ ერთი - რომ იყვნენ კეთილსინდისიერები და ეფექტურები. ამ შემთხვევაში თითოეულ მათგანს ჩვენ დავუდგებით გვერდით, ყოველთვის და ყველგან. იმ შემთხვევაში თუ ისინი გავლენ თავიანთი უფლებამოსილებებიდან, ჩენ ვიქნებით პირველები, ვინც უმკაცრესად მოვითხოვთ მათ დასჯას და გავაკეთებთ ამას. ეს არის ის პრინციპები, რომელზეც დღეს ვახორციელებთ  სისტემის რეფორმებს და ზუსტად იგივე პრინციპებით მივუდგებით ამ კონკრეტულ შემთხვევასაც. თუ უმცირესი ალბათობით, მაგრამ მაინც დადასტურდა ამ საქმეში პოლიციელების ჩართულობა, ისინი იქნებიან უმკაცრესად დასჯილები. იმ შემთხვევაში თუ ეს არ დადასტურდა ჩვენ შესაბამის ნაბიჯებსაც გადავდგამთ“, - აღნიშნა გახარიამ.

(NS)

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია