"შევთანხმდით, რომ გავაგრძელოთ მუშაობა, რათა საქართველო ნატო-ს წევრი გახდეს", - ამის შესახებ ჩრდილოატლანტიკური ალიანსის გენერალურმა მდივანმა იენს სტოლტენბერგმა ბრიუსელში გამართულ პრესკონფერენციაზე განაცხადა. 

როგორც სტოლტენბერგმა აღნიშნა, ნატო-ს საქართველოს მხარდაჭერას სხვადასხვა მიმართულებით გააგრძელებს. 

„საქართველოსა და უკრაინის პრეზიდენტებთან განვიხილეთ ჩვენი ერთობლივი წუხილი, რომელიც ეხება რუსეთის მხრიდან სუვერენიტეტისა და ტერიტორიული მთლიანობისადმი საფრთხეს. დღეს შევთანხმდით, რომ გავაგრძელოთ მუშაობა, რათა საქართველო ნატო-ს წევრი გახდეს. ასევე გავაძლიერებთ მხარდაჭერასა და დახმარებას კრიზისების მართვაში, წვრთნასა და სამხედრო მომზადებაში. ჩვენ ვაღიარებთ საქართველოს მნიშვნელოვან პროგრესს რეფორმების მიმართულებით და ვაფასებთ ქვეყნის მთავარ წვლილს ავღანეთის მისიაში. ჩვენ ვრჩებით ადრინდელ გადაწყვეტილებაზე, რომელიც ეხება უკრაინის მისწრაფებას, გახდეს ნატოს წევრი. ველით პროგრესს უკრაინაში რეფორმების მიმართულებით და გავაგრძელებთ პოლიტიკური და პრაქტიკული მხარდაჭერის გაძლიერებას, რადგან ქვეყანა აქტიური კონფლიქტის წინაშეა“, - განაცხადა იენს სტოლტენბერგმა.

ავტორი: ,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია