შინაგან საქმეთა სამინისტროს სასაზღვრო პოლიციის ვერტმფრენის ავარიულად დაშვების შედეგად  დაშავებული პირების ჯანმრთელობის მდგომარეობა სტაბილურია.

ერთ-ერთ დაშავებულს თელავის რეფერალურ საავადმყოფოში გადაუდებელი ოპერაცია ჩაუტარდა.

როგორც „ექსპრესნიუსს“ საავადმყოფოს დირექტორმა ხათუნა ჯონიაშვილმა განუცხადა, მამაკაცს დაზიანებები მუცლის ღრუსა და გულ-მკერდის არეში აღენიშნებოდა.

„ოპერაცია წარმატებით დასრულდა. ამ ეტაპისთვის პაციენტი გამოყვანილია პოსტოპერაციულ განყოფილებაში და მიმდინარეობს ოპერაციის შემდგომი მკურნალობა“, - განაცხადა  ხათუნა ჯონიაშვილმა.

რაც შეეხება მეორე დაშავებულს, რომელიც ამავე საავადმყოფოში მკურნალობს, ჯონიაშვილის თქმით, მისი მდგომარეობა სტაბილურია და ქირურგიულ ჩარევას არ საჭიროებს.

„მას გულმკერდის მრავლობითი ტრავმა აქვს მიღებული, თუმცა ქირურგიულ ჩარევას ის არ საჭიროებს“, - აღნიშნა საავადმყოფოს დირექტორმა.

დანარჩენი სამი პირი თელავის სხვადასხვა კლინიკებში არიან გადაყვანილი. მათ სიცოცხლეს საფრთხე არ ემუქრება.

ცნობისთვის,  შინაგან საქმეთა სამინისტროს სასაზღვრო პოლიციის ვერტმფრენმა თელავის რაიონის სოფელ ართანასთან ავარიული დაშვება განახორციელა. როგორც „ექსპრესნიუსს“ შსს-დან აცნობეს, ავარიული დაშვების შედეგად ვერტმფრენში მყოფი 5 პირი დაშავდა.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის