რეგიონებში გაზიფიცირების პროცესი გრძელდება. ეკონომიკისა და მდგრადი განვითარების სამინისტროს ინფორმაციით, ამჯერად უკვე დასრულდა ზესტაფონის მუნიციპალიტეტის სოფელ დილიკაურის გაზიფიცირება.

საქართველოს ეკონომიკისა და მდგრადი განვითარების მინისტრის მოადგილე რომეო მიქაუტაძემ დღეს  იმერეთში სახელმწიფო რწმუნებულის – გუბერნატორის მოვალეობის შემსრულებელ გრიგოლ დალაქიშვილთან, ზესტაფონის მერ კახაბერ მახათაძესთან და შპს „სოკარ ჯორჯია გაზის" იმერეთის რეგიონული ოფისის დირექტორ დავით ჯაიანთან ერთად ახლადაშენებული გაზგამანაწილებელი ქსელი დაათვალიერა. მათ ადგილობრივი მოსახლის, ამირან საცერაძის ოჯახში გაზი სიმბოლურად აანთეს.

სოფელ დილიკაურში გაზიფიცირების სამუშაოების შედეგად, ბუნებრივი აირს 732 ოჯახი  მიიღებს. ბუნებრივი აირით კიდევ 600–მდე ოჯახი იქნება უზრუნველყოფილი სოფელ ფუთშიც - ამ ეტაპზე გაზიფიცირების სამუშაოები აქტიურად მიმდინარეობს და აგვისტოში დასრულდება. ზესტაფონის მუნიციპალიტეტში დღეისთვის სულ გაზიფიცირებულია ქალაქი ზესტაფონი და 30 სოფელი, საერთო ჯამში ბუნებრივი აირი 18 874 ოჯახს მიეწოდება.

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის