საქართველოს განათლებისა და მეცნიერების სამინისტროს სსიპ „საგანმანათლებლო და სამეცნიერო ინფრასტრუქტურის განვითარების სააგენტოს" დირექტორის, ზვიად როსტომაშვილის ბრძანების თანახმად, მოსწავლეებისთვის სახელმძღვანელოების შესყიდვაზე წელს 22 980 000 ლარი დაიხარჯება.

წიგნების შესყიდვა "მოსწავლეების სახელმძღვანელოებით უზრუნველყოფის" პროგრამის ფარგლებში მოხდება. ბიუჯეტიდან თანხის გამოყოფის ბრძანებას მიმდინარე წლის 22 თებერვალს მოეწერა ხელი.

ბრძანებაში მითითებულია, რომ საქონლისა და მომსახურებისთვის, 980 ათასი ლარია გამოყოფილი, ხოლო დარჩენილი 22 მილიონი ლარი, სხვა ხარჯებს დაფარავს.

"ექსპრესნიუსი" დაინტერესდა, თუ რა იგულისხმება "სხვა ხარჯებში" და საქართველოს "საგანმანათლებლო და სამეცნიერო ინფრასტრუქტურის განვითარების სააგენტოს" დაუკავშირდა.

როგორც სააგენტოს საზოგადოებასთან ურთერთობის სამსახურში განაცხადეს, 22 მილიონი ლარი არის სახელმძღვანელოების ბეჭდვის საფასური.

"მითითებული თანხა არის საერთო თანხა სახელმძღვანელოების შესასყიდად ყველა კლასისთვის. ჯერ შევისყიდეთ 7-12 კლასის სახელმძღვანელოები, რადგან 1-6 კლასს ახალი გრიფი ენიჭება და ახალ სახელმძღვანელოებს ვბეჭდავთ. 980 ათასში შედის სახელმძღვანელოების შესყიდვა, დისტრიბუცია და ხელფასები, ხოლო 22 მილიონი ლარი არის ბეჭდვის და გამომცემლობებისგან რაც შევისყიდეთ, ის თანხა. ეს თანხა გვჭირდება იმ სახელმძღვანელოების შესასყიდად, რაც პროგრამის ფარგლებშია გათვალისწინებული. საერთო ჯამში, 23 მილიონში შედის ბეჭდვა, დისტრიბუცია, საწყობში მომუშავე ხალხის ხელფასები და ასე შემდეგ", - აცხადებენ პრესსამსახურში.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის