ხორავას ქუჩაზე მოზარდების მკვლელობის საქმის შემსწავლელი პარლამენტის დროებითი საგამოძიებო კომისიის სხდომაზე, საქმის პროკურორის, ზვიად ფხაკაძისა და შსს-ს წარმომადგენლის, კახა სირაძის გამოკითხვა ხმაურის ფონზე მიმდინარეობს.

გამოკითხვის მიმდინარეობისას ზვიად ფკახაძეს „ვროპული საქართველოს“ წევრებმა საუბარი რამდენჯერმე შეაწყვეტინეს, პროკურორი კი ითხოვდა, რომ პასუხის ამომწურავად გაცემის საშუალება მიეცათ.

„ბატონო ზვიად, აშკარად გვეკამათებით და დებატებში შემოდიხართ. მოთმინებით ბატონო ზვიად, აქ თქვენ ხართ დაკითხვაზე გასაგებია თქვენთვის?! ვინც კითხვას გისვამთ, ის უნდა დააკმაყოფილოთ ან არ დააკმაყოფილოთ. თუ თქვენ უკმარისობის გრძნობა გექნებათ, გაქვთ ბრიფინგის ჩატარების საშუალებაც. სამუშაო პროცესი ასეთია, კომისიის წევრები გისვამენ კითხვას, თქვენ პასუხობთ კი ან არა და ვინც კითხვა დაგისვათ იმის საქმეა შემდეგ კითხვაზე გადავა თუ არა. თქვენი შეფასებები და მორალის კითხვა არ გვაინტერესებს. იყავით ჩუმად, როცა არ გისვამენ კითხვას“, - მიმართა კომისიის წევრმა გიგა ბოკერიამ პროკურორ ზვიად ფკახაძეს.

ბოკერიას კომისიის თავმჯდომარის მოადგილე, უმრავლესობის დეპუტატი ანრი ოხანაშვილი გამოეხმაურა:

„რა მიკვირს იცით? ოთარ კახიძე და ირაკლი აბესაძემ სვამენ შეკითხვებს და რასაც ვუყურებ კონსტრუქციულ ფორმატში მიდის ეს ყველაფერი. გიგა ბოკერია რატომ ღიზიანდება ვერ ვიგებ. კომისიის თავმჯდომარე ცდილობს, პროცესი კონსტრუქციულად წარმართოს და ბატონო გიგა, იქნება გვითხრათ რა გაღიზიანებთ? დაგვაცადეთ“, - მიმართა ოხანაშვილმა ბოკერიას.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის