„გრძელდება დისკუსიები დისციპლინურ საკითხებთან, ზოგადად, სასამართლო რეფორმასთან დაკავშირებით. ჩვენ კიდევ ერთხელ განვიხილეთ დეტალებში უკვე რეგულაციები, რომლებიც ემატება შესაბამის კანონს - „საერთო სასამართლოების შესახებ ორგანულ კანონს" და ძირითად საკითხებთან დაკავშირებით არის შეთანხმება",- ამის შესახებ საქართველოს პარლამენტის თავმჯდომარემ სასამართლო რეფორმის სამუშაო ჯგუფის შეხვედრის დასრულების შემდეგ განაცხადა.

როგორც ირაკლი კობახიძემ აღნიშნა რამდენიმე საკითხთან დაკავშირებით, კონსულტაციები გაგრძელდება და მომდევნო შეხვედრაზე, საბოლოოდ ჩამოყალიბდება კანონპროექტი, რომელიც საქართველოს პარლამენტში იქნება ინიცირებული.

„ვფიქრობ, რომ საბოლოოდ იქნება მიღწეული სრული კონსესუსი მთლიანად კანონთან დაკავშირებით. ამის საფუძველს გვაძლევს ის კონსულტაციები, რომლებიც დღემდე შედგა ამ დოკუმენტთან დაკავშირებით",- განაცხადა პარლამენტის თავმჯდომარემ.

ჟურნალისტებთან საუბრისას, ირაკლი კობახიძემ განაცხადა, რომ იმ ინიციატივის შესახებ, რომლის მიხედვითაც, დისციპლინური პასუხისმგებლობა საბჭოს არამოსამართლე წევრებზეც უნდა გავრცელდეს, მსჯელობა არ გამართულა.

„ჩვენ ამაზე არ გვიმსჯელია. შესაბამისად, მე გამიჭირდება რაიმე  კომენტარის გაკეთება.იყო გარკვეული ინიციატივა, რომელზეც არც გვიმსჯელია. შესაბამისად, მომავალში იქნება განხილვა. მე არ ვარ, ასე ვთქვათ,  უფლებამოსილი, რომ ერთპიროვნულად მივიღო რაიმე გადაწყვეტილება. მითუმეტეს, ასეთ პრინციპულ საკითხებთან დაკავშირებით. შედგება კონსულტაციები და იმისდა მიხედვით, თუ რა შედეგს გამოიღებს ეს კონსულტაციები, მიიღებს პარლამენტი გადაწყვეტილებას",- განაცხადა პარლამენტის თავმჯდომარემ.

მისივე თქმით, მსჯელობა გრძელდება დისციპლინური პასუხისმგებლობის კონკრეტულ საფუძვლებთან დაკავშირებით.

„არის კონკრეტული საფუძვლები, დისციპლინური,  ასე ვთქვათ, პასუხისმგებლობის. ეხება სხვადასხვა თემას ეს ყველაფერი, მათ შორის საქმეთა განაწილებაზე იყო საუბარი. კონკრეტული საფუძვლებია რამდენიმე, რაზეც გრძელდება მსჯელობა.

ფორმულირებებზე გრძელდება მსჯელობა და დარწმუნებული ვარ, რომ აქაც შევჯერდებით ერთიან პოზიციაზე", -  განაცხადა ჟურნალისტებთან საუბრისას ირაკლი კობახიძემ.​

ავტორი: ,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის