უამინდობის გამო გომბორის უღელტეხილზე ავტოტრანსპორტის მოძრაობა დროებით შეზღუდულია, - ამის შესახებ შინაგან საქმეთა სამინისტროს განცხადებაშია აღნიშნული.

უწყების ცნობით, საავტომობილო მოძრაობას საპატრულო დეპარტამენტის თანამშრომლები არეგულირებენ.

„კახეთის მიმართულებით მოძრავი ავტომანქანები თბილისი-ბაკურციხე-თელავის საავტომობილო მაგისტრალით ისარგებლებენ. გომბორის უღელტეხილზე ავტომანქანით გადაადგილება ამინდის გაუმჯობესების შემდეგ აღდგება“, - ნათქვამია შსს-ს განცხადებაში.

ცნობისთვის, ძლიერმა წვიმამ პრობლემები შექმნა დუშეთის რაიონშიც, სადაც გზები და საცხოვრებელი სახლების სარდაფები დაიტბორა.

რაც შეეხება დედაქალაქს, თბილისში ამ დროისთვის განსაკუთრებით მძიმე ვითარებაა მეტრო „ახმეტელის თეატრის“ მიმდებარე ტერიტორიაზე, სადაც მიწისქვეშა გადასასვლელი დაიტბორა. ასევე, რამდენიმე ქუჩა დაიტბორა ვარკეთილში.

გარდა ამისა, ცოტა ხნის წინ „საქართველოს რკინიგზამ“ განცხადება გაავრცელა, სადაც აღნიშნულია, რომ უამინდობის გამო რამდენიმე მატარებლის მოძრაობა შეფერხდა.

ავტორი: ,

სოციალური ქსელები

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის

სიკორსკი: რუსეთს პოლონეთზე თავდასხმის რესურსები არ აქვს, მაგრამ ისინი რაღაცას ამზადებენ

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს