„მნიშვნელოვანია, საზოგადოებამ და ოჯახმა გაიგოს, მოხდა თუ არა ძალის გადამეტება და ეს კითხვებიც არ უნდა დარჩეს პასუხგაუცემელი“, - ამის შესახებ ხორავას ქუჩაზე მოზარდების მკვლელობის საქმის შემსწავლელი პარლამენტის დროებითი საგამოძიებო კომისიის მდივანმა, „ევროპული საქართველოს“ წევრმა ოთარ კახიძემ ზაზა სარალიძესთან შეხვედრის შემდეგ განაცხადა.

როგორც მან განმარტა, კომისია მხოლოდ სარალიძე-დადუნაშვილის მკვლელობის საქმეს იძიებს, თუმცა მისივე თქმით, „ევროპული საქართველო“ კომისიის შექმნას თემირლან მაჩალიკაშვილის საქმეზეც მხარს უჭერს.

„დაისვა საკითხი ბატონი მაჩალიკაშვილის საქმესთან დაკავშირებით. მინდა საზოგადოებას განვუმარტო, რომ კომისია, რომლის წევრიც მე გახლავართ, იძიებს მხოლოდ სარალიძე-დადუნაშვილის მკვლელობის ირგვლივ სისხლის სამართლის საქმეებს. რაც შეეხება მაჩალიკაშვილის საქმეს, ამასთან დაკავშირებითაც არის დაყენებული კომისიის შექმნის საკითხი. ჩვენ მხარს ვუჭერთ კომისიის შექმნას ამ თემაზე. მნიშვნელოვანია საზოგადოებამ და ოჯახმა გაიგოს, მოხდა თუ არა ძალის გადამეტება და ეს კითხვებიც არ უნდა დარჩეს პასუხგაუცემელი“, - განაცხადა კახიძემ.

ავტორი: ,

სოციალური ქსელები

ფოდოროვი - უკრაინა მიიღებს შორ მანძილზე მოქმედ არტილერიას, ფრთოსან რაკეტებს და დრონების მხარდაჭერას

ევროკავშირის ლიდერები შეთანხმდნენ, რომ რუსეთის წინააღმდეგ სანქციები ორჯერ გაახანგრძლივონ

ბულგარეთის პრორუსულმა პრემიერ-მინისტრმა პირობა დადო, რომ ვეტოს დაადებს ევროკავშირის ახალ სანქციების პაკეტს რუსეთის წინააღმდეგ.

აშშ-ის საზღვაო ძალებმა ირანის საზღვაო ბლოკადა დაასრულეს