გომბორზე ავარიის შედეგად დაშავებული ერთი პირი თბილისში გადმოყავთ

2018-06-09 15:28:38, 947 ნახვა

საზოგადოება

გომბორზე მომხდარი ავტოსაგზაო შემთხვევის დროს დაშავებული ერთ-ერთი ქალბატონი თელავის რეფერალური საავადმყოფოდან თბილისში გადმოყავთ.

როგორც "ექსპრესნიუსს" ჯანდაცვის სამინისტროში განუცხადეს, ამ დროისთვის თელავის რეფერალურ საავადმყოფოში 20 პაციენტი რჩება, აქედან 12 ბავშვია.

დაშავებულებს ჯანდაცვის მინისტრი დავით სერგეენკო მოინახულებს.

შეგახსენებთ, გომბორის უღელტეხილზე რომ გომბორის უღელტეხილზე თელავის რაიონის სოფელ თეთრი წყლების მიმდებარედ, კახეთის მიმართულებით მოძრავი მიკროავტობუსი, რომელშიც თბილისის 175-ე საჯარო სკოლის მე-6 კლასის მოსწავლეები მშობლებთან ერთად იმყოფებოდნენ საავტომობილო გზიდან გადავიდა და ამობრუნდა.

ავტოსაგზაო შემთხვევის შედეგად გარდაცვლილია 4 ადამიანი, მათ შორის ერთი არასრულწლოვანია. სხეულის სხვადასხვა სახის დაზიანება მიიღო 16 ადამიანმა, რომლებიც სამედიცინო დაწესებულებაში არიან გადაყვანილები.

გამოძიების პირველადი ინფორმაციით, ავტომანქანის მძღოლმა საჭე ვერ დაიმორჩილა, საავტომობილო გზიდან გადავიდა და ხევში გადავარდა. მომხდარ ფაქტთან დაკავშირებით გამოძიება სსკ-ს 276-ე მუხლის მე-7 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია. დანაშაული 6-დან 10 წლამდე თავისუფლების აღკვეთას ითვალისწინებს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები