ხორავას ქუჩაზე მოკლული დავით სარალიძის მამა, ზაზა სარალიძე, პარლამენტის დროებითი საგამოძიებო კომიისის ხელმძღვანელს, სერგი კაპანაძეს ხვდება.

შეხვედრა თბილისში, პარლამენტის შენობაში მიმდინარეობს.

როგორც სარალიძემ შეხვედრის დაწყებამდე ჟურნალისტებს განუცხადა, ის უნდობლობას უცხადებს კომისიის ერთ-ერთ წევრს, ეკა ბესელიას და მის აცილებას მოითხოვს.

„ბესელიას გარდა ყველას ვენდობი კომისიაში. ადამიანი, რომელიც მადანაშაულებს, რომ თითქოს რომელიღაც პოლიტიკურ პარტიას მივეცი საშუალება ჩემი შვილის სულით მანიპულირების, ამ ადამიანს მე არ ვენდობი. დავაყენებ მისი კომისიიდან აცილების საკითხს“, - განაცხადა სარალიძემ.

რაც შეეხება ზოგადად კომისიის მიმართ ნდობის საკითხს, სარალიძე აცხადებს, რომ იმედი აქვს, იმ პირების გამოააშკარავებენ, ვინც „საქმე შეკერა“.

„აბსოლუტურად ყველა ინფორმაციას, რომელიც გამაჩნია, დეტალურად მივაწოდებ კომისიას და ძალიან დიდი იმედი მაქვს, იმ პირებს გამოააშკარავებენ, ვინც შეკერა ეს ამბავი. კომისიას ვენდობი იმ ნაწილში, რომ გამოაშ ვინ გააყალბა და შეთითხნა ეს საქმე“, - აღნიშნა სარალიძემ.

ცნობისთვის, კომისია პირველ სხდომას დღეს გამართავს. სხდომა თბილისში, პარლამენტის შენობაში 13:00 საათზეა ჩანიშნული

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა