„უზნეობაა და ამორალური იქნება, ორი ახალგაზრდა ადამიანის მკვლელობაზე პიარის კეთება და პოლიტიკური ქულების დაწერა“, - ასე მიმართა პარლამენტის ფრაქცია „ქართული ოცნება - მწვანეების“ ლიდერმა გია გაჩეჩილაძემ საპარლამენტო უმცირესობის წარმომადგენლებს.

მან ხორავას ქუჩაზე მოზარდების მკვლელობის საქმის შემსწავლელი საგამოძიებო კომისიის საკითხზე ისაუბრა და აღნიშნა, რომ არსებობს საფრთხე, ეს კომისია ოპოზიციამ პიარისთვის გამოიყენოს.

„მეგონა, პირდაპირ კენჭისყრაზე დავაყენებდით ამ საკითხს, რადგან წინა სხდომაზე დებატები გვქონდა ამ საკითხთან დაკავშირებით. თუმცა, აქ რაც ხდება სულირად გაუგებარია. ის სიტუაცია, რომელიც ამ კომისიის შემქნასთან დაკავშირებით აქ ხდება, პირდაპირ ფარსის ფორმას იღებს. ბუნებრივია, საზოგადოებამაც იცის და ჩვენც კარგად გვესმის, რომ უმრავლესობა, რომელიც ამ კომისიაში იქნება წარმოდგენილი, ვერავითარ სამართლიანობის იმიჯს ვერ შეუქმნის ამ კომისიას, იმიტომ რომ თვითონ არიან უსამართლობისა და ძალადობის სიმბოლოები, მაგრამ რა ვქნათ, როგორც მოვიქცეთ? პარლამენტის რეგლამენტში ასეა განსაზღვრული, ასეთია კანონი და ვალდებული ვართ, ამ კანონის მიხედვით ვიმოქმედოთ. თუმცა პირდაპირ მინდა გითხრათ, ვაფრთხილებ სულ ყველას, განსაკუთრებით იმ უმრავლესობას, რომელიც ამ კომისიაში იქნება (უმცირესობის წარმომადგენლებზე ვსაუბრობ). უზნეობაა და ამორალური იქნება, ორი ახალგაზრდა ადამიანის მკვლელობაზე პიარის კეთება და პოლიტიკური ქულების დაწერა. მაშინ ქუჩის აქციებმა ტრანსფორმაცია ხომ განიცადა სწორედ ამ ფორმით, უზნეო და ამორალური ფორმა მიიღო, ეხლაც, დიდი საფრთხეა, რომ ეს კომისია გადაიქცეს იმ ფარსად, რომელიც გგონიათ, რომ თქვენი პიარისთვის იქნება გამოყენებული“, - განაცხადა გაჩეჩილაძემ.

მისივე თქმით, ნანობს, რომ კომისიაში საკუთარი კვოტა დათმო.

„მწვანეთა ფრაქციას ჰქონდა თავისი კვოტა ამ კომისიაში და დავთმეთ სხვების სასარგებლოდ, რომ სისხლის სამართლის სპეციალისტები მოხვედრილიყვნენ ამ კომისიაში და მგონი სწორი გადაწყვეტილება გავაკეთეთ, რომ პოლიტიკური კი არა, წმინდა პროფესიონალური სახე ჰქონოდა ამ კომისიას. ახლა რაღაც სიმახინჯე ხდება ამ პარლამენტში და ვნანობ, არ უნდა დამეთმო სპეციალისტებისათვის, მე უნდა შევსულიყავი ამ კომისიაში. პასუხი იქვე უნდა გამეცა თქვენთვის, როდესაც ამ პიარს გააკეთებდით ორი ბავშვის მკვლელობაზე“, - განაცხადა გია გაჩეჩილაძემ.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა