საქართველოს პრემიერ-მინისტრის გიორგი კვირიკაშვილის განცხადებით, ხორავას ქუჩაზე მოზარდების მკვლელობის საქმეს ხვალიდან შინაგან საქმეთა სამინისტრო გამოიძიებს.

კვირიკაშვილის თქმით, გამოძიების პროცესს შს მინისტრი, პირველი ვიცე-პრემიერი გიორგი გახარია უხელმძღვანელებს.

როგორც პრემიერმა აღნიშნა, ის გამოძიების მიმდინარეობაში თავადაც ჩაერთვება.

"ხვალ დილიდან შინაგან საქმეთა სამინისტრო დაიბრუნებს საქმეს პროკურატურისგან გამოძიების პროცესში და ვიცე-პრემიერი გიორგი გახარია წაიყვანს გამოძიების პროცესს. ის იქნება ამ პროცესის ხელმძღვანელი და რა თქმა უნდა მე ყველა ნაბიჯში ვიქნები ჩართული და გავაკონტროლებ მთლიანად პროცესს. მეორე - დღეს პარლამენტმა მიიღო გადაწყვეტილება დროებითი საგამოძიებო კომისიის შექმნის თაობაზე. უმოკლეს ვადაში, რიგგარეშე სხდომაზე შეიკრიბება პარლამენტი, დაამტკიცებს კომისიის შემადგენლობას, სადაც რამდენადაც მე ვიცი შესაძლებელია და კარგიც იქნება, უმცირესობა იქნას წარმოდგენილი უმრავლესობის სახით და უმოკლეს ვადაში დაიწყებს კომისია მუშაობას", - განაცხადა გიორგი კვირიკაშვილმა.

პრემიერმა მოკლული მოზარდების მშობლებსაც მიმართა:

"მინდა გარანტია მივცე დაღუპული ბავშვების მშობლებს და ოჯახის წევრებს, რომ გამოძიების ნებისმიერ ეტაპზე, ყოველდღიურად, რა ხარისხითაც ისინი პროცესში ჩართვას მოითხოვენ იმ ხარისხით ჩაერთვებიან და მიიღებენ ინფორმაციას, როგორც შს სამინისტროსგან ისე კომისიისგან", - აღნიშნა მან. 

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა