„გადადგნენ მურუსიძე, ჩინჩალაძე, გვენეტაძე და სუბელიანი. თუ 22:00 საათზე ეს პირები არ იქნებიან პროკურატურაში დაბარებული, სხვა მოთხოვნებს დავაყენებთ“, - ამის შესახებ პარლამენტის შენობასთან მიმდინარე აქციაზე ხორავას ქუჩაზე მოკლული დავით სარალიძის მამის, ზაზა სარალიძის უფლებადამცველმა ზვიად კუპრავამ განაცხადა.

„ჩვენი მოთხოვნაა, მირზა სუბელიანი ჩაჯდეს ციხეში. მთავარი პროკურორი გაწირეს და მირზას არ სვამენ ციხეში. ვინ არის ეს კაცი?! მოვითხოვთ გადადგნენ მურუსიძე, ჩინჩალაძე, გვენეტაძე და სუბელიანი. როდესაც ეს მოთხოვნები შესრულდება, ჩვენ ჩავთვლით, რომ სისტემა ჩამოვშალეთ. ველოდებით ათ საათს. თუ ათ საათზე ეს პირები არ იქნებიან პროკურატურაში დაბარებულები და არ ექნებათ შესაბამისი ბრალი წაყენებული, სხვა მოთხოვნებს დავაყენებთ. ხალხის გეშინოდეთ“, - განაცხადა ზვიად კუპრავამ.

ცნობისთვის პარლამენტის შენობასთან ხალხის ნაკადი არ წყდება. ადგილზე ათასობთ ადამიანია შეკრებილი. ისინი აცხადებენ, რომ მთავარი პროკურორის გადადგომა საკმარისი არ არის და ხორავას ქუჩაზე მომხდარ მკვლელობაში დამნაშავე ყველა პირის დასჯას ითხოვენ.

რუსთაველის გამზირი ამ დროისთვის სრულად გადაკეტილია. ტერიტორიაზე სამართალდამცველთა დიდი რაოდენობაა მობილიზებული.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა