„ბრალდების მხარეს არ სურს ისაუბროს იმ მოწმეების ჩვენებებზე, რომლებმაც სასამართლოს დაცვის მხარისთვის სასარგებლო ინფორმაცია მიაწოდეს“, - ამის შესახებ ხორავას ქუჩაზე მოზარდების მკვლელობის საქმეში ბრალდებული ერთ-ერთი არასრულწლოვნის ადვოკატმა, ტარიელ კაკაბაძემ განაცხადა.

როგორც მან აღნიშნა, ბრალდების მხარის დასკვნითი სიტყა ძალიან სუსტი და უსაფუძვლო იყო.

„მათ არ სურთ ისაუბრონ იმ მოწმეებზე რომლებმაც დაადასტურეს მოცემულ სისხლის სამართლის საქმეში, მოცემულ ფაქტში სხვა დანაშაულის ჩამდენი პირების მონაწილეობა. ბრალდება სურს განსაჯოს მხოლოდ და მხოლოდ ის პირები რომლებსაც ბრალი აქვთ წარდგენილი. ვინაიდან ბრალდების მხარის დასკვნითი სიტყვა იყო ძალიან სუსტი და უსაფუძვლო, ჩვენი მოთხოვნაა სასამართლომ არ გაიზიაროს პროკურატურის პოზიცია და გაიზიაროს დაცვის მხარის პოზიცია. თუ დავაკვირდებით საქმეში არსებულ მტკიცებულებებს, მოწმეთა ჩვენებებს, ჩვენ დავინახავთ რომ რეალურად დანაშაულის ჩამდენი პირები არიან თავისუფლებაში და არ არიან მიცემული პასუხისგებაში. საგამოძიებო ორგანომ კი სხვების მიერ ჩადენილი დანაშაული გადააწერა იმ პირებს, ვისაც ყველაზე ნაკლებად მიუძღოდათ ბრალი", - განაცხადა ტარიელ კაკაბაძემ.

თბილისის საქალაქო სასამართლოში საქმის განხილვა ხვალ განახლდება. ხვალინდელ პროცესზე დასკვნითი სიტყვით დაცვის მხარე წარდგება.

ავტორი: ,

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა